Sunday , August 20 2017
Home / ہندوستان / ۔16ریاستوں میں ای ڈی چھاپے ، تین سو ’شیل کمپنیاں‘ نشانہ

۔16ریاستوں میں ای ڈی چھاپے ، تین سو ’شیل کمپنیاں‘ نشانہ

نئی دہلی۔یکم اپریل (سیاست ڈاٹ کام) انفورسمنٹ ڈائرکٹوریٹ کی ایک سے زیادہ ٹیموں نے آج ملک بھر میں 300سے زیادہ شیل کمپنیوں پر چھاپے مارے ۔انفورسمنٹ ڈائرکٹوریٹ کی طرف سے یہ قدم اس وقت اٹھایا گیا ہے جب ابتدائی چھان بین سے پتہ چلا کہ نومبر اور ڈسمبر 2016 ء میں ڈیمونیٹائزیشن (نوٹوں پر پابندی)کے دوران ان میں سے بیشتر کمپنیوں نے ’’غیرقانونی لین دین ‘‘کا ارتکاب کیا تھا۔سرکاری ذرائع کے مطابق ملک کی 16 ریاستوں میں تلاشی کی یہ مہم چل رہی ہے ۔نئی دہلی، ممبئی ، چینائی ، بنگلورو، بھوبنیشور اور کلکتہ سمیت ملک کے کئی تجارتی اڈے چھاپوں کی زد میں ہیں۔ذرائع نے یو این آئی کو بتایا کہ یہ چھاپے قانون انسداد غیر قانونی رقمی لین دین اور بیرونی زرمبادلہ سے متعلق ایکٹ کے تحت مارے جارہے ہیں، جن کا مقصد منی لانڈرنگ کی سرگرمیوں اور غیر قانون بیرونی ایکسچینج کے لین دین پر کنٹرول کرنا ہے۔ آج کے چھاپے وزیر اعظم نریندر مودی کے ذریعہ حال ہی میں قائم کی گئی اسپیشل ٹاسک فورس کی طرف سے انفورسمنٹ ڈائریکٹوریٹ (ای ڈی) کے اختیار کے تحت انجام دیئے گئے ہیں۔ وزارت خزانہ کے ذرائع نے گزشتہ ہفتہ مطلع کیا تھا کہ انفورسمنٹ ڈائریکٹوریٹ نے متعدد کمپنیوں کے اثاثوں کو قرق کردیا ہے ، کیونکہ حکومت اپنی طرف سے اس طرح کی کمپنیوں کے خلاف سخت کارروائی کے لئے پوری طرح پابند عہد ہے ۔ ذرائع نے بتایا کہ اس طرح کی ’شیل کمپنیاں‘مخصوص افراد اور حقیقی کمپنیوں کی شناخت چھپانے کے لئے لین دین کے کاموں کے لئے بنائی جاتی ہیں۔ حالیہ نوٹ بندی کے فیصلے کے نفاذ کے دوران مبینہ طورپر ان کمپنیوں نے تقریبا 3 ہزار 900 کروڑ روپے کی ہیرا پھیری کی ہے ۔

TOPPOPULARRECENT