نئی دہلی: یوگا گرو رام دیو بابا نے آج مرکزی وزیر داخلہ امیت شاہ کی جانب سے این آر سی نفاذ پر بیان کا خیرمقدم کیا اور کہا کہ(نیشنل رجسٹرآف سٹیزن) این آر سی قومی سلامتی کیلئے ہونا چاہئے نہ کہ اس پر سیاسی روٹیاں سیکی جائیں۔“ خبررساں ایجنسی اے این آئی سے بات کرتے ہوئے رام دیو بابا نے کہا کہ اگر کوئی ایک شخص بھی ہندوستان میں غیرقانونی طو رپر رہتا ہے تو وہ ملک و قومی سلامتی کیلئے خطرہ بن سکتا ہے۔ ہمیں اپنے ملک کی حفاظت کرنا ہے۔
یہ این آر سی ہمارے ملک کی قومی سلامتی کا ذریعہ ہے۔ این آر سی سیاسی مفاد کے لئے نہیں ہونا چاہئے۔ واضح رہے کہ کل مرکزی وزیر داخلہ و بی جے پی صدر امیت شاہ نے پارلیمنٹ میں بیان دیا تھا کہ این آر سی کو پورے ملک میں نافذ کیا جائے گا۔