مرکزی وزیر انوراگ ٹھاکر نے بی جے پی چھوڑ کر سماج وادی پارٹی میں شامل ہونے والے لیڈروں کو فسادی کہہ کر حملہ کیا ہے ٹھاکر کا یہ شدید حملہ ایسے وقت میں ہوا ہے جب دارا سنگھ چوہان جو پانچ سال تک یوپی حکومت میں ماحولیات کے وزیر تھے ایس پی میں شامل ہو گئے ہیں اس سے قبل کابینی وزیر سوامی پرساد موریہ اور کچھ دیگر بی جے پی ایم ایل اے بھی ایس پی کے دربار میں جا چکے ہیں لکھنؤ پہنچنے والے انوراگ ٹھاکر کا حوالہ دیتے ہوئے اے این آئی نے کہا جو لوگ فساد کرتے ہیں وہ سماج وادی پارٹی میں شامل ہو جاتے ہیں اور جو فسادیوں کو پکڑتے ہیں وہ بی جے پی میں شامل ہو جاتے ہیں صاف ستھری شبیہ والے لوگ بی جے پی میں شامل ہونا چاہتے ہیں خون آلود ہاتھوں والے فسادی ایس پی میں شامل ہو تے ہیں۔
