وزیر اعظم نریندر مودی نے جمعرات کو کہا کہ گجرات کے پاس ملک کی سب سے طویل ساحلی پٹی کے باوجود، آزادی کے بعد کئی دہائیوں تک اس کی ترقی کو نظر انداز کیا گیا، لیکن گزشتہ 20 سالوں میں، بھارتیہ جنتا پارٹی حکومت نے ہندوستان کا خوشحالی کا گیٹ وے بنانے کے لیے مخلصانہ کوشش کی ہے انہوں نے کہا کہ گجرات کی بی جے پی حکومت نے پبلسٹی پر خرچ کیے بغیر گجرات کے ساحلی علاقوں میں کئی بڑے پروجیکٹوں کو نافذ کیا۔ سوراشٹر خطہ کے بھاو نگر شہر کے جواہر میدان میں 6000 کروڑ روپے سے زیادہ کے مختلف پروجیکٹوں کا افتتاح اور سنگ بنیاد رکھنے کے بعد ایک ریلی سے خطاب کرتے ہوئے مودی نے یہ بھی کہا کہ بی جے پی اپنے وعدوں کو پورا کرتی ہے کیونکہ لوگ اس کے لیے طاقت ہے۔
