Tuesday , December 19 2017
Home / شہر کی خبریں / آر ٹی سی کراس روڈ اور مشیر آباد جنکشن پر فلائی اوورس کی تجویز

آر ٹی سی کراس روڈ اور مشیر آباد جنکشن پر فلائی اوورس کی تجویز

ٹریفک مسائل کو حل کرنے کی مساعی ، جی ایچ ایم سی کی منصوبہ بندی
حیدرآباد ۔ 23 ۔ ستمبر : ( سیاست نیوز ) : گریٹر حیدرآباد میونسپل کارپوریشن شہر کے دو مقامات آر ٹی سی کراس روڈ اور مشیر آباد جنکشن پر فلائی اوورس تعمیر کرنے کی تجاویز تیار کی ہے ۔ جس سے پانچ چوراستوں کے ٹریفک مسائل حل ہوسکتے ہیں ۔ استوپ کنسلٹنٹ کو تفصیلی جائزہ لیتے ہوئے رپورٹ پیش کرنے کی ذمہ داری دی گئی ہے ۔ سڑکوں کی ترقی سے متعلق ایس آر ڈی پی اسکیم کے تحت شہر میں آر ٹی سی کراس روڈ اور مشیر آباد جنکشن پر مزید 2 فلائی اوورس تعمیر کرنے کی جی ایچ ایم سی نے منصوبہ بندی تیار کی ہے ۔ اگر دو فلائی اوورس تعمیر ہوتے ہیں تو 5 اہم چوراستوں کے ٹریفک مسائل حل ہونے کی امید کی جارہی ہے ۔ ان دونوں فلائی اوورس کو سکندرآباد ۔ فلک نما میٹرو کاریڈار کو کراس کرنا پڑے گا ۔ جی ایچ ایم سی نے استوپ کنسلٹنٹ کو تمام پہلوؤں کا تفصیلی جائزہ لیتے ہوئے دو ماہ میں رپورٹ دینے کی ذمہ داری ہے ۔ شہر کے سب سے ٹریفک کے جنکشن میں آر ٹی سی کراس روڈ کا جنکشن بھی شامل ہے ۔ علاقے سکندرآباد ، کوٹھی ، عابڈس ، چارمینار اور پرانے شہر کو جوڑنے والی اہم سڑک ہے ۔ ساتھ ہی ایسٹ زون ، سنٹرل زون اور ویسٹ زون کو ایک دوسرے سے ملانے میں بھی ان سڑکوں کا اہم رول رہا ہے ۔ جی ایچ ایم سی نے 10 سال قبل ہی فلائی اوور تعمیر کرنے کی تجویز پیش کی تھی تاہم سیاسی مداخلت کے باعث کام آگے نہیں بڑھ سکا تھا ۔ ایس آر ڈی پی اسکیم کے تحت اندرا پارک جنکشن تا وی ایس ٹی جنکشن تک ایلوٹیڈ کاریڈار تعمیر کرنے کی تجویز تیار کی گئی ہے ۔ جس سے اندرا پارک جنکشن ، اشوک نگر ، آر ٹی سی کراس روڈ ، وی ایس ٹی جنکشنس میں ٹریفک کا بہاؤ کم ہونے کی توقع کی جارہی ہے ۔ میرٹ ہوٹل سے رام نگر ، چلکل گوڑہ جانے والی سڑک ، آر ٹی سی کراس روڈ تا سکندرآباد جانے والی روڈ مشیر آباد کی سڑک سے ملتی ہے ۔ قریب میں گاندھی ہاسپٹل ہونے کی وجہ سے ٹریفک مسائل ہے یہاں پر بھی ایک ایلوٹیڈ فلائی اوور تعمیر کرنے کا جائزہ لیا جارہا ہے ۔۔

TOPPOPULARRECENT