Friday , December 15 2017
Home / کھیل کی خبریں / آسٹریلیا نے انگلینڈ کو 64 رنز سے ہرایا

آسٹریلیا نے انگلینڈ کو 64 رنز سے ہرایا

لارڈس ۔ 7 ۔ ستمبر (سیاست ڈاٹ کام) آسٹریلیا نے دوسرے ون ڈے انٹرنیشنل میں انگلینڈ کو 64 رنز سے شکست دے کر پانچ میچوں کی سیریز میں 2-0کی برتری حاصل کر لی۔ آسٹریلیا نے پہلے بیٹنگ کرتے ہوئے 7 وکٹوں کے نقصان پر 309 رنز بنائے، کپتان اسٹیون اسمتھ، جارج بیلی اور مچل مارش نے نصف سنچریاں اسکور کیں جبکہ انگلینڈ کی ٹیم مطلوبہ ہدف حاصل نہ کر سکی اور پوری ٹیم 245 رنز بنا کر آؤٹ ہو گئی، ایون مورگن 85 رنز کے ساتھ نمایاں رہے۔ پیٹ کمنز نے چار وکٹیں حاصل کیں، مچلمارش کو مین آف دی میچ کا ایوارڈ دیا گیا۔ تفصیلات کے مطابق لارڈز، لندن میں کھیلے گئے سیریز کے دوسرے ون ڈے میچ میں انگلینڈ کے کپتان ایون مورگن نے ٹاس جیت کر پہلے فیلڈنگ کا فیصلہ کیا جو غلط ثابت ہوا۔ آسٹریلیا نے مقررہ 50 اوورز میں 7 وکٹوں کے نقصان پر 309 رنز بنائے۔مچل مارش نے 31 گیندوں پر تین چھکوں اور سات چوکوں کی مدد سے 64 رنز بنائے۔ کپتان اسٹیون اسمتھ 70، جارج بیلی 54، گلین میکسویل 49 اور شین واٹسن 39 رنز کے ساتھ نمایاں رہے۔ انگلینڈ کی طرف سے بین اسٹوکس نے تین، اسٹیون فن نے دو جبکہ عادل راشد اور معین علی نے ایک، ایک وکٹ حاصل کی۔ انگلینڈ کی ٹیم مطلوبہ ہدف حاصل کرنے میں ناکام رہی اور پوری ٹیم 42.3 اوورز میں 245 رنز بنا کر آؤٹ ہو گئی، ایون مورگن نے 85 رنز کی اننگز کھیلی تاہم وہ اپنی ٹیم کو شکست سے نہ بچا سکے۔ جیسن رائے 31، ایلیکس ہیلز 18، جیمز ٹیلر 43، بین اسٹوکس 10، جوز بٹلر صفر، معین علی 8، کرس ووکس 6، عادل راشد 2 اور لیم پلنکیٹ 24 رنز بنا کر آؤٹ ہو گئے۔ آسٹریلیا کی طرف سے پیٹ کمنز نے عمدہ باؤلنگ کا مظاہرہ کیا اور 56 رنز کے عوض 4 وکٹیں حاصل کیں۔ گلین میکسویل نے دو جبکہ مچل مارش، نیتھن کولٹر نائل اور مچل سٹارک نے ایک ایک وکٹ حاصل کی۔ مچلمارش کو میان آف دی میچ قرار دیا گیا۔

TOPPOPULARRECENT