Tuesday , November 21 2017
Home / تجارت / آل انڈیا ہارٹیکلچر اینڈ اگریکلچر شو،7 تا 11 اکٹوبر پیوپلز پلازا پر مقرر

آل انڈیا ہارٹیکلچر اینڈ اگریکلچر شو،7 تا 11 اکٹوبر پیوپلز پلازا پر مقرر

اسوسی ایشن ایونٹ آرگنائزیشن کی جانب سے ’ ہارٹیکلچر اینڈ اگریکلچر شو ‘ کا انعقاد 7 تا 11 اکٹوبر 2015 عمل میں آرہا ہے ۔ اس شو میں شہر حیدرآباد ، ریاست تلنگانہ و آندھرا پردیش کے علاوہ ہندوستان بھر کی مشہور و معروف نرسریز حصہ لیں گی اور ملک کی دیگر ریاستوں جیسے کہ دارجلنگ ، پونہ ، ممبئی ، بنگلور ، کلکتہ کے مالکان نرسری شامل ہوں گے ۔ اس شو کی اہم خصوصیت یہ ہوگی کہ شائقین باغبانی کے لیے ایک ہی چھت تلے پھولوں ، پھلوں کے پودوں کے علاوہ سجاوٹی پیڑ پودے ( انڈور و آوٹ ڈور ) ، کیکٹس ، سکیولینٹ ، ایڈینیم ، آرکڈس ، بونائی کی بے شمار اقسام دستیاب رہیں گی ۔ یہ نمائش نہ صرف پیڑ پودوں کی ہوگی بلکہ اس نمائش میں اشیائے ضروریہ و اشیائے خورد و نوش کی اسٹالس بھی ہوں گی ، A.E.O اسوسی ایشن ایونٹ آرگنائزیشن کے چیف انچارج جناب خالد ضمیر نے تفصیلات سے واقف کرواتے ہوئے بتایا کہ اس نمائش میں داخلہ بالکل مفت ہوگا ، عوام کی سہولت کے لیے پارکنگ کا معقول انتظام کیا گیا ہے ۔ چیف آرگنائزر جناب خالد ضمیر نے مزید بتایا کہ نو تشکیل شدہ ریاست تلنگانہ کے چیف منسٹر جناب کے چندر شیکھر راؤ نے ’ ہریتاہارم ‘ کے نام سے ریاست کو ماحولیاتی آلودگی سے پاک کرنے کے لیے جو تحریک شروع کی ہے ایک قابل ستائش اقدام ہے ۔ جناب خالد ضمیر نے کہا کہ اس طرح کے شوز کا شہر کے حدود میں انعقاد عمل میں لانا وقت کا اہم تقاضہ ہوگیا ہے ۔ نمائش میں اسٹالس کی بکنگ جاری ہے مزید تفصیلات کے لیے +91-984-926-1710 ، +91-801-907-7749 پر ربط کریں ۔۔

Top Stories

TOPPOPULARRECENT