ادارہ ادبیات اردو کے امتحانات کا آج آغاز

معتمد عمومی ایوان اردو پروفیسر ایس اے شکور کا بیان

معتمد عمومی ایوان اردو پروفیسر ایس اے شکور کا بیان
حیدرآباد ۔ 26 ۔ دسمبر : ( پریس نوٹ ) : پروفیسر ایس اے شکور معتمد عمومی ادارہ ادبیات اردو کے بموجب 27 دسمبر تا 31 دسمبر اردوماہر ، اردو عالم اور اردو فاضل کے امتحانات منعقد ہوں گے ۔ تمام امیدوار وقت پر امتحانی مرکز پر پہونچ جائیں اور ڈسپلن کا خاص خیال رکھیں ۔ فلائنگ اسکواڈ علاقہ واری طور پر تشکیل دیا گیا ہے ۔ تمام مراکز کے ذمہ داران امتحانات ڈسپیلن پر مبنی اردو کی ترقی کے لیے انجام دیں ۔ جو بھی سنٹر پر بدنظمی پائی جائے گی اس تعلیمی مرکز کے خلاف کارروائی کی جائے گی اور مرکز کو معطل کردیا جائے گا ۔ 17 امتحانی مراکز پر امتحان منعقد کئے جارہے ہیں جس میں 7مراکز حیدرآباد ، سکندرآباد اور اضلاع میں 10 قائم ہے ۔ شہر میں گورنمنٹ پرائمری اسکول ہندی نگر ( حکیم پیٹ ) ، الحجاز اسلامک مشن اسکول ( معین باغ ) ، ایور گرین ٹیلنٹ اسکول ( مشیر آباد ) ، سینٹ سنین ہائی اسکول ( چنچل گوڑہ ) ، محمدیہ ہائی اسکول ( بارکس ) ، گلبرٹ مشن اسکول ( تالاب کٹہ ) ، وہاب پرائمری اسکول ( چمپاپیٹ ) اور اضلاع میں ، مریال گوڑہ ، نلگنڈہ ، ورنگل ، آرمور ، کریم نگر ، جگتیال ، ٹیکمال ، بسوا کلیان ، بیدر ، اتکور شامل ہیں ۔ مزید معلوما ت دفتر ہذا کے فون 040-23310469 پر ربط کریں ۔۔

Top Stories

TOPPOPULARRECENT