Tuesday , December 12 2017
Home / Top Stories / ارونا چل پردیش میں انڈین ائیر فورس کا ہیلی کاپٹر حادثے کا شکار پانچ کی موت

ارونا چل پردیش میں انڈین ائیر فورس کا ہیلی کاپٹر حادثے کا شکار پانچ کی موت

نئی دہلی۔چین کی سرحد کے قریب میں واقعہ ارونا چل پردیش کے مضافاتی علاقے تاوانگ کے قریب میںآج صبح انڈین ائیر فورس کا ایک ہیلی کاپٹر حادثے کا شکار ہوگیا جس میں پانچ فوجی جوانوں کی موت ہوئی جبکہ ایک شدید طور پر زخمی ہونے کی اطلاعات موصول ہوئی ہیں۔

ایم ائی ۔17چاپر ہیلی کاپٹر صبح 6بجے کے قریب اڑان بھرنے کے کچھ دیر بعد حادثے کاشکار ہوگیا‘ انڈین ائیر فورس کے ایک سینئر عہدیدار نے مزید کہاکہ پانچ لوگ جو ہیلی کاپٹر میں سوار تھے اس حادثے میں ہلاک ہوگئے ہیں جبکہ ایک جوان بری طرح زخمی ہے۔

انہوں نے مزیدکہاکہ ’’ حادثے کی وجوہات کا پتہ چلانے کے لئے ایک کورٹ آف انکوائری کا قیام بھی عمل میں لایاگیا ہے‘‘۔

سرکاری ذرائع کا ماننا ہے کہ ہیلی کاپٹر میں سوار ایک فوجی جوان اور دو انڈین ائیر فورس کے پائیلٹ بھی مہلوکین میں شامل ہیں۔ایک روز قبل ہی انڈین ائیر فورس نے ائیر فورس ڈے کا جشن منایاتھا ۔

حالیہ سالو ں میں پیش ائے ہیلی کاپٹر حادثات کے حوالے سے ائیر چیف مارشل بی ایس دھانوا نے ایک روزقبل ہی کہاتھا کہ’’ حادثات واقعات میں ہونے والی اموات پر ہمیں توجہہ مرکوز کرنے کی ضرورت ہے۔

ہم اس بات کی کوشش کرہے ہیں کہ اس قسم کی واقعات کی روک تھام کی جاسکے تاکہ ہمارے اثاثوں کی حفاظت ہو‘‘۔ذرائع کا یہ بھی کہنا ہے کہ واقعہ کے اندرون ایک گھنٹے راحت او ربچاؤ کی ٹیم نے مقام واقعہ پہنچ کر زخمی جوان کو تاوانگ کے مقامی اسپتال کو لے گئی۔

مذکورہ ایم ائی 17وی 5روس میں تیارکردہ اوسط درجہ کے فوجی سامنا کی منتقلی والا ہیلی کاپٹر ہے۔

TOPPOPULARRECENT