Monday , November 20 2017
Home / خواتین کا صفحہ / استری کرنے سے متعلق کچھ باتیں…!

استری کرنے سے متعلق کچھ باتیں…!

استری کرنا یوں تو بہت ہی آسان کام ہے لیکن اس کیلئے احتیاط بھی ضروری ہوتا ہے تاکہ نہ تو استری خراب ہو اور نہ ہی کپڑا ۔ خواتین استری کے جل جانے ، اس پر داغ لگ جانے اور کپڑا چپک جانے جیسے مسائل سے پریشان رہتی ہیں ۔ اس حوالے سے چند مشورے پیش ہیں ۔ یہ جاننا بہت ضروری ہے کہ مختلف قسم کے کپڑوں پر کس طرح استری کرنی چاہئے ۔
کارٹرائی اور مخمل : ان کپڑوں کیلئے بھاپ کی استری استعمال کرنی چاہئے ۔ استری کی میز پر موٹا کپڑا بچھاکر مخمل یا کارڈرائے کو الٹا رکھیں ۔
لیس یا کڑھا ہوا کپڑا : میز پر تولیہ بچھاکر کپڑے کو الٹاکر کے استری کریں ۔
اونی کپڑے : ان کیلئے بھی بھاپ کی استری استعمال کریں ۔ کپڑے کی الٹی صرف استری کریں ۔ استری ہونے والے کپڑے پر ایک ہلکا سا کپڑا رکھ لیں
چمڑا یا سوئیٹر : میز پر موٹا بھدّا کاغذ بچھاکر چمڑا یا سوئیٹر الٹاکرکے اس پر ہلکا سا کپڑا ڈالیں ۔ پھر ہلکی استری کریں ۔
استری پر پڑنے والے داغ کو کیسے دور کیا جائے : استری کے نیچے بھورے رنگ کا داغ دور کرنے کیلئے اس پر ذرا سا ٹوتھ پیسٹ مل دیں ۔ 10 منٹ بعد جب سوکھ جائے تو صاف کپڑے سے پونچھ لیں ۔ اس طرح احتیاط سے استری کرنے سے آپ کی یہ شکایت دور ہوسکتی ہے کہ ذرا سی توجہ نہ دینے پر کپڑا جل گیا ۔

TOPPOPULARRECENT