Friday , February 23 2018
Home / شہر کی خبریں / اقلیتی تعلیمی اداروں میں مخلوعہ جائیدادوں پر تقررات کیلئے ٹسٹ

اقلیتی تعلیمی اداروں میں مخلوعہ جائیدادوں پر تقررات کیلئے ٹسٹ

حیدرآباد۔/9اگسٹ، ( سیاست نیوز) تلنگانہ اسٹیٹ پبلک سرویس کمیشن نے ریاست کے اقامتی تعلیمی اداروں میں مختلف زمروں کی مخلوعہ جائیدادوں پر تقررات سے متعلق منعقد کئے جانے والے ٹسٹس ( امتحانات ) کی تاریخوں ( شیڈول ) کا اعلان کیا ہے۔ جبکہ سابق میں اعلان کردہ شیڈول عدالتی احکامات کی روشنی میں ملتوی کردیا گیا تھا اور اب جاری کردہ نئے شیڈول کے مطابق 31اگسٹ سے ٹسٹس منعقد کئے جائیں گے۔ شریمتی اے وانی پرساد سکریٹری تلنگانہ اسٹیٹ پبلک سرویس کمیشن نے یہ بات کہی اور بتایا کہ آرٹ ٹیچر، کرافٹ ٹیچر کیلئے ٹسٹ کا 31اگسٹ کو انعقاد عمل میں لایا جائے گا۔ اس طرح میوزک ٹیچر کا یکم ستمبر کو ، اسٹاف نرس، لائبریرین و فزیکل ایجوکیشن ٹیچر کا 17ستمبر کو ٹسٹ منعقد ہوگا۔ جبکہ 31اگسٹ و یکم ستمبر کو منعقد ہونے والے ٹسٹ کلئے 26 اگسٹ سے اپنے امتحانی ہال ٹکٹس ڈاؤن لوڈ کرسکتے ہیں اور 17ستمبر کو منعقد ہونے والے ٹسٹ کے ہال ٹکٹس 11 ستمبر سے ڈاؤن لوڈ کئے جاسکتے ہیں۔ اسی طرح اقامتی جونیر کالج لکچرر، لائبریرین، پرنسپال جونیر کالج، فزیکل ڈائرکٹر جونیر کالجس، اسکول پرنسپال کے علاوہ ریاستی ڈگری کالج لکچررس، فزیکل ڈائرکٹر برائے ڈگری کالجس، لائبریرین ڈگری کالج کیلئے ٹسٹ یکم ستمبر کو منعقد ہوگا۔ اس سلسلہ میں تمام احتیاطی اقدامات و انتظامات مکمل کرلئے گئے ہیں۔

Top Stories

مولانا آزاد کی برسی پر تقریب کا انعقاد دہلی ومرکزی حکومت کی جانب سے بڑے لیڈران نے شرکت نہیں کی‘ صدر جمہوریہ ہند کی جانب سے ان کی مزار پر گل پوشی اور نائب صدر جمہوریہ نے اپنا پیغام بھیجا نئی دہلی۔آزادہندو ستا ن کے پہلے وزیر اتعلیم مولانا آزاد کے ساٹھ ویں یوم وفات کے موقع پر آج ان کے مزار واقع مینابازار میں ایک تقریب کا انعقاد ائی سی سی آر کی جانب سے کیاگیا۔افسوس کی بات یہ رہی کہ اس مرتبہ بھی مولانا آزاد کی وفات کے موقع پر دہلی ومرکزی حکومت کی جانب سے کسی بڑے لیڈران نے شرکت نہیں کی۔ چونکہ جامع مسجد پر کناڈہ کے وزیراعظم کو آناتھا اس لئے تقریب کو بہت مختصر کردیا گیاتھا۔ اس دوران صدرجمہوریہ ہند کی جانب سے ان کی مزار پر گل پوشی کی گئی او رنائب صدر جمہوریہ ہند نے اپنا پیغام بھیجا۔ ائی سی سی آر کے ڈائریکٹر نے مولانا آزاد کو خراج عقیدت پیش کرتے ہوئے کہاکہ جہاں تک مولانا آزاد کا تعلق ہے اور انہوں نے جو خدمات انجام دیں انہیں فراموش نہیں کیاجاسکتا۔ ہندو مسلم میں اتحاد قائم کیااس کی مثال ملنا مشکل ہے انہوں نے بھائی چارہ کوفروغ دیا۔ انٹر فیتھ ہارمنی فاونڈیشن آف انڈیاکے چیرمن خواجہ افتخار احمد نے کہاکہ مولانا آزاد نے لڑکیوں کی تعلیم پر بہت زیادہ توجہ دی۔ جب حکومت قائم ہونے کے بعد قلمدان کی تقسیم ہونے لگے تو مولانا آزاد نے تعلیم کا قلمدان لیاتاکہ لڑکیو ں کی تعلیم پر خاص دھیان دیاجاسکے۔ خاص طور سے مسلم لڑکیو ں کی تعلیم پر زیادہ دھیان دیاجائے۔کیونکہ مسلم لڑکیو ں کو پڑھنے کے زیادہ مواقع نہیں مل پاتے ۔ معروف سماجی کارکن فیروز بخت احمد مولانا سے منسوب ایک پروگرام میں پونے گئے ہوئے تھے۔ انہوں نے نمائندہ کو فون پر بتایا کہ مولانا آزاد کی تعلیمات کو قوم نے بھلادیا ہے۔ آج تک ان جیسا لیڈر پیدا نہیں ہوسکا اور افسوس کی بات ہے کہ مولانا آزاد کی برسی یا یوم پیدائش کے موقع پر دہلی یامرکزی حکومت کی جانب سے کوئی بڑا لیڈر شریک نہیں ہوتا۔ ایسا معلوم ہوتا کہ حکومت نے مولانا آزاد کو بھلادیا ہے۔ اس دوران سی سی ائی آر کی ایک کمار مولانا ابولکلام آزاد فاونڈیشن کے چیرمن عمران خان سمیت کافی لوگ موجود تھے۔
TOPPOPULARRECENT