Wednesday , September 26 2018
Home / Top Stories / امریکہ میں طوفان کی تباہی‘ 8 افراد ہلاک،9لاکھ خاندان برقی سے محروم

امریکہ میں طوفان کی تباہی‘ 8 افراد ہلاک،9لاکھ خاندان برقی سے محروم

نیویارک،4مارچ(سیاست ڈاٹ کام) امریکہ کی شمال مشرقی ریاستوں میں طوفان نے تباہی مچادی ہے اور اب تک 8 افراد ہلاک جبکہ لاکھوں گھر بجلی سے محروم ہوگئے ہیں۔غیرملکی خبر رساں ادارے کے مطابق امریکہ کی شمال مشرقی اور وسط مغربی علاقوں میں آنے والے طوفان نے معمولات زندگی درہم برہم کردئیے ہیں ۔ طوفان کو ‘بم’ کا نام دیا گیا ہے جس سے اب تک 8 افراد ہلاک ہوچکے ہیں جبکہ 9 لاکھ گھر اور دفاتر بجلی سے محروم ہیں۔امریکی محکمہ موسمیات کے مطابق طوفان کی رفتار 90 کلومیٹر فی گھنٹہ تھی۔ طوفانی ہواؤں کے ساتھ موسلا دھار بارش اور برفباری ہورہی ہے جس کے باعث ہزاروں پروازیں منسوخ کردی گئی ہیں۔ تیز ہواؤں سے درختوں کے گرنے کے درجنوں واقعات میں متعدد افراد ہلاک ہوگئے جبکہ زمینی راستے بھی منقطع ہوگئے ۔ خراب موسم کی وجہ سے واشنگٹن میں وفاقی حکومت کے دفاتر بھی بند کردیئے گئے ہیں اور ساحلی علاقوں نیوجرسی سے میساچیوسٹس تک وارننگ جاری کردی گئی ہے ۔محکمہ موسمیات کے مطابق نیویارک کے شمال اور مغربی علاقوں میں طوفان کے شروع ہوتے ہی ایک فٹ برف جمع ہوگئی اور ساحلی علاقوں میں موسلادھار بارش ہوئی جس کا سلسلہ ایک ہفتے تک جاری رہنے کا امکان ہے ۔ امریکہ کے سب سے زیادہ آبادی والے شہر نیویارک کے گورنر اینڈریو کومو نے 70 میل فی گھنٹہ کی رفتار سے آندھی اور طوفانی ہواؤں کا خدشہ ظاہر کیا ہے ۔

TOPPOPULARRECENT