Sunday , June 24 2018
Home / شہر کی خبریں / انتخابات میں کانگریس کا صفایا ہوجائے گا

انتخابات میں کانگریس کا صفایا ہوجائے گا

بی جے پی ترجمان ترون وجئے ایم پی کا بیان

بی جے پی ترجمان ترون وجئے ایم پی کا بیان

حیدرآباد ۔ 14 ۔ مارچ : ( سیاست نیوز ) : بھارتیہ جنتا پارٹی ( بی جے پی ) نے آج کہا کہ آنے والے عام انتخابات میں کانگریس کو نشستوں کی بہت ہی کم تعداد حاصل ہوگی اور اس طرح اس کا صفایا ہوجائے گا ۔ آج یہاں ایک پریس کانفرنس سے مخاطب کرتے ہوئے بی جے پی کے قومی ترجمان اور رکن پارلیمنٹ ترون وجئے نے کہا کہ کانگریس پارٹی ابتر صورتحال سے دوچار ہے ۔ دراصل کانگریس امیدوار تلاش کررہی ہے ۔ انہوں نے کہا کہ پارٹی ٹکٹ کے لیے جن امیدواروں کا اعلان کیا گیا وہ بھی ٹکٹس واپس کررہے ہیں ۔ مسٹر ترون وجئے نے کہا کہ کانگریس زیر قیادت یو پی اے حکومت تمام محاذوں پر ناکام ہوگئی اور اس نے ہندوستان کو تاریکی میں لے گئی ۔ انہوں نے کہا کہ معاشی بحران ، افراط زر ، ہندوستانی برآمدات میں کمی ، روپئے کی قدر گھٹ جانا ، سرحد پار دہشت گردی اور انتہا پسندی اور دوسرے مسائل سے ملک یو پی اے کے دس سالہ دور حکومت سے دوچار ہے ۔۔
۔

TOPPOPULARRECENT