Sunday , December 17 2017
Home / شہر کی خبریں / انٹر میڈیٹ کے بعد مرکزی حکومت میں ملازمتوں کیلئے کمپیوٹر پر مبنی امتحان

انٹر میڈیٹ کے بعد مرکزی حکومت میں ملازمتوں کیلئے کمپیوٹر پر مبنی امتحان

دکن ریڈیو کے راست نشریہ پروگرام میں ایم اے حمید کے جوابات
حیدرآباد ۔ 2 ۔ نومبر : ( سیاست نیوز ) : حکومت ہند کے مختلف محکمہ جات میں کلریکل کیڈر ( ایل ڈی سی ) ، پوسٹل اسسٹنٹ ، ڈاٹا انٹری آپریٹرس کے مخلوعہ جائیدادوں پر تقررات کے لیے قومی سطح کا مسابقتی امتحان اسٹاف سلیکشن کمیشن منعقد کررہا ہے ۔ اس کے لیے انٹر میڈیٹ سطح کے امیدوار اہل ہیں اور عمر کی حد بھی دیکھی جاتی ہے جو 27 سال سے کم ہونی چاہئے ۔ کمیشن اس سال سے امتحان بھی مکمل طور پر کمپیوٹر پر رکھا ہے جو CBT ہے ۔ ان معلومات کو دکن ریڈیو 107.8 ایف ایم کے راست نشریہ پروگرام میں ایم اے حمید نے سوالات کے جوابات دیتے ہوئے کیا ۔ اسٹاف سلیکشن کمیشن کے مسابقتی امتحانات ہر سال ہوتے ہیں ۔ تلنگانہ میں اس کے امتحانی مراکز میں حیدرآباد کے علاوہ ورنگل اور نظام آباد کو مرکز بنایا گیا ۔ دکن ریڈیو 107.8 کی آر جے مس منجو نے اس امتحان کے بارے میں استفسارات کرتے ہوئے پوچھا کہ کس قسم کے اور کس عنوان کے سوالات آتے ہیں ۔ عام رجحان کے ابتدائی ریاضی ، عام معلومات اور ذہانت کے آبجکٹیو ٹائپ نوعیت کے سوالات ہیں ۔ سوالی پرچے کو کاغذ کے بجائے کمپیوٹر پر دیا جائے گا اور صحیح جواب کو منتخب کرنا ہوگا ۔ غلط جواب کی نشاندہی پر 50 نشانات منہا کردئیے جاتے ہیں ۔ امیدوار سوالات کو حل کرنے سے قبل پوری طمانیت حاصل کرلیں ۔ پروگرام کو محمد منیر نے بڑی عمدگی سے مرتب کیا ۔ جب کہ زاہد فاروقی ریڈیو اسٹیشن منیجر اور فہیم انصاری نے مکمل معاونت کی ۔ آخر میں مس منجو نے شکریہ ادا کیا ۔۔

 

میڈیا ایوارڈ نامزدگی ادخال کی
7 نومبر آخری تاریخ
حیدرآباد ۔ 2 ۔ نومبر : ( این ایس ایس ) : چیف الیکٹورل آفیسر اے پی ، تلنگانہ نے اس بات سے مطلع کیا کہ رائے دہندوں میں شعور بیداری کے لیے بہترین مہم پر نیشنل میڈیا ایوارڈ کے نامزدگیوں کی آخری تاریخ 7 نومبر مقرر کی گئی ہے ۔ الیکشن کمیشن کی جانب سے 7 نومبر تک نامزدگیاں قبول کی جائیں گی ۔ پرنٹ ، الیکٹرانک اور سوشیل میڈیا قبل ازیں اعلامیہ کے شرائط کے مطابق اپنی نامزدگیوں کو پر کرتے ہوئے الیکشن کمیشن کو 7 نومبر یا اس سے قبل انڈر سکریٹری ( کمیونیکشن ) الیکشن کمشنر آف انڈیا نرواجن سدن ، اشوکا روڈ نئی دہلی 110001۔۔

TOPPOPULARRECENT