Tuesday , November 21 2017

اوٹکور

 

٭ ڈی وارمینگ ٹیابلیٹ کی تقسیم
٭کسان بارش کے منتظر
٭ یوم آزادی ہند تقاریب

اوٹکور۔/15اگسٹ، ( سیاست ڈسٹرکٹ نیوز) پیٹ کا درد اور کیڑوں سے نجات کیلئے حکومت کے اقدامات سے استفادہ کی اپیل کرتے ہوئے ڈاکٹر رمیش کمار گورنمنٹ ہیلت آفیسر اوٹکور نے بتایا کہ ہر بچہ کو ڈی وارمنگ ٹیبلیٹ ضرور دیں تاکہ وہ صحت مند رہ سکیں۔ انہوں نے کہا کہ اوٹکور منڈل کے تمام دیہاتوں میں طلبہ کو یہ گولیاں دی جارہی ہیں جن کے استعمال سے پیٹ کے درد اور دیگر بیماریوں سے راحت حاصل ہوگی۔ اس ضمن میں سرکاری اور خانگی اسکولس کے طلباء کو دوائیاں بھی دی گئیں۔ گولیوں کی تقسیم مہم میں آنگن واڑی سنٹر کے ٹیچرس نے بھی تعاون کیا۔
٭٭ اوٹکور منڈل اور قریبی دیہاتوں سے ملنے والی اطلاعات کے مطابق گزشتہ ہفتوں سے بارش نہ ہونے کے سبب کسان برادری کافی پریشان حال ہے کیونکہ کسانوں نے موسم باراں کے آغاز کے ساتھ ہی تخم ریزی کرلی تھی اور امید کی جارہی تھی کہ امسال بارش اچھی ہوگی اور فل بھی خوب پھلے پھولے گی لیکن سال گزشتہ کی بہ نسبت اس سال توقع سے بہت کم بارش ہوئی۔ چند ہفتوں سے بارش نہ ہونے سے گرمی کی شدت میں بھی اضافہ ہوگیا ہے اور خشک سالی جیسے حالات پیدا ہوگئے ہیں۔ یہ حالات کسانوں کیلئے زیادہ پریشان کن ثابت ہوگئے ہیں۔ کسان جو بہت پہلے ہی تخم ریزی کرلئے تھے آسمان کی طرف نگاہیں جمائے ہوئے ہیں اور بارش کا بے چینی سے انتظار کررہے ہں۔ ضلع میں بیشتر تالاب تاحال خشک ہیں ۔ اوٹکور منڈل کے 220ایکڑ اراضی پر مشتمل روشن ساگر ( بڑا تالاب ) بالکل خشک ہوگیا ہے جس کے باعث کسانوں کو کافی پریشانی کا سامنا ہے۔
٭٭ اوٹکور مستقر پر یوم آزادی ہند تقاریب کا انعقاد سب سے پہلے مقامی پولیس اسٹیشن پر جناب وجئے کمار ایس آئی اوٹکور نے قومی جھنڈا لہرایا اور سلامی لی۔ ٹھیک 8-30 بجے جناب منیر احمد فاروقی جنرل سکریٹری ملت اسلامیہ نے قومی جھنڈا لہرایا اور سلامی لی اور یوم جمہوریہ ہند کی اہمیت پر خطاب کیا۔ تحصیلدار آفس اوٹکور میں جناب ناگنتیا تحصیلدار، ایس بی آئی اوٹکور ضلع پریشد ہائی اسکول ( ذکور ) میں جناب انجینلو صدر مدرس، ضلع پریشد ہائی اسکول تلگو میڈیم ( اناث ) ، سرکاری دواخانہ ، گورنمنٹ لائبریری ٹپہ خانہ، آنگن واڑی مراکز، سی یو پی ایس اردو میڈیم ، نالندہ ہائی اسکول تلگو میڈیم، ایم پی ڈی او آفس گرام پنچایت دفتر میں سرپنچ بھاسکر کے علاوہ دیگر سرکاری و نیم سرکاری مدارس اور دفاتر میں جشن آزادی ہند 15 اگسٹ تقاریب نہایت جوش و خروش سے منائی گئی اور مٹھائیاں تقسیم کی گئیں۔

 

TOPPOPULARRECENT