Wednesday , July 18 2018
Home / ہندوستان / ایس ٹی ایف نے اسلحہ اسمگلر کو گرفتار کیا

ایس ٹی ایف نے اسلحہ اسمگلر کو گرفتار کیا

لکھنؤ ،یکم نومبر (سیاست ڈاٹ کام) اترپردیش پولیس کی اسپیشل ٹاسک فورس (ایس ٹی ایف) نے الہ آباد کے کرنل گنج علاقہ سے بین الریاستی اسلحہ اسمگلر گروہ کے ایک رکن بھیم شنکر پاٹھک کو گرفتار کرکے اس کے پاس سے ہتھیار برآمد کیے ہیں۔ ایس ٹی ایف کے سینئر پولیس سپرنٹنڈنٹ ابھیشیک سنگھ نے آج بتایا کہ الہ آباد کے میجا علاقہ کے کونا بھٹوتي کا رہنے والا اسلحہ اسمگلر بھیم شنکر پاٹھک کو کرنل گنج علاقہ سے گرفتار کیا گیا۔ اس کے پاس سے پانچ پستول .32 بور، 08 میگزین 32 بور، ایک موبائل، ووٹر آئی ڈی کارڈ اور 1200 روپے برآمد کئے گئے ۔ انہوں نے بتایا کہ کافی دنوں سے ایس ٹی ایف کو اطلاعات مل رہی تھیں کہ مشرقی اتر پردیش کے اضلاع میں اسلحہ اسمگلر گروہ سرگرم ہیں۔ اس سلسلہ میں ایڈیشنل پولیس سپرنٹنڈنٹ پروین سنگھ چوہان کی قیادت والی ایس ٹی ایف کی الہ آباد فیلڈ یونٹ کولگایا گیا تھا۔ ابھیشیک سنگھ نے بتایا کہ اسی سلسلہ میں سب انسپکٹر اتل کمار سنگھ کی قیادت والی ٹیم کو کل شام اطلاع ملی کہ غیر قانونی اسلحہ اسمگلر گروہ کا ایک رکن کرنل گنج علاقہ میں ہندو ہاسٹل کے آگے ، انڈین پریس چوراہے پر غیر قانونی اسلحوں کی کھیپ دینے کے لئے کسی کا انتظار کر رہا ہے ۔اس اطلاع پر ایس ٹی ایف نے اسے کرنل گنج پولیس کے تعاون سے گھیرابندي کرکے گرفتار کر لیا اور ہتھیار برآمد کئے۔
پوچھ گچھ پر گرفتار اسمگلر نے بتایا کہ وہ گزشتہ تین چار برسوں سے غیر قانونی اسلحوںکی اسمگلنگ کے دھندے کر رہا ہے ۔یہ اسلحے وہ بڈوانی، ضلع کھنڈوا، مدھیہ پردیش کا رہنے والا بھولا اور دیا سکلگر سے لا کر مشرقی اتر پردیش کے اضلاع میں فروخت کرتا ہے ۔اسے مدھیہ پردیش سے 12 سے 15 ہزار روپے فی پستول کے حساب سے ملتی ہیں اور انہیں یہاں لا کر وہ 20-25 ہزار روپے فی پستول فروخت کردیتا ہے . اس نے یہ بھی بتایا کہ وہ ھریش چندر ریسرچ انسٹیٹیوٹ اینڈ ٹیکنالوجی کالج جھانسي میں گزشتہ 15 برسوں سے گارڈ کی نوکری کر رہا ہے ۔

 

TOPPOPULARRECENT