Tuesday , November 21 2017
Home / کھیل کی خبریں / ایٹلیٹکو فائنل میں ‘بایرن میونخ چمپیئنز لیگ سے باہر

ایٹلیٹکو فائنل میں ‘بایرن میونخ چمپیئنز لیگ سے باہر

میونخ۔4مئی (سیاست ڈاٹ کام ) یوئیفا چیمپیئنز لیگ کے پہلے سیمی فائنل کے دوسرے مرحلے میں ایٹلیٹکو میڈرڈ اور بایرن میونخ کے درمیان میچ برابر ہونے کے باوجود ایٹلیٹکو میڈرڈ نے فائنل میں رسائی حاصل کرلی۔ میونخ میں کھیلے چیمپیئنز لیگ کے پہلے سیمی فائنل کے دوسرے مرحلے کے مقابلے کا آغاز ہوا تو ہوم گراؤنڈ پر میچ جیتنے کے سبب ایٹلیٹکو میڈرڈ کو بایرن پر 1-0 کی برتری حاصل تھی۔ بایرن نے اپنے ہوم گراؤنڈ پر شروع سے ہی جارحانہ انداز اپنایا لیکن ابتدائی آدھے گھنٹے تک کوئی بھی ٹیم گول نہ کر سکی تاہم 31ویں منٹ میں ایک فری کک جابی الونسو سے لگ کر گول میں جا پہنچی جس کی بدولت بایرن نے برتری حاصل کی۔تین منٹ بعد ہی بایرن کو اس وقت برتری حاصل کرنے کا موقع ملا جب امپائر فال پر میزبان ٹیم کو پینالٹی دی لیکن اسٹار تھامس مْلر نے اسے ضائع کردیا لیکن کسی کو معلوم نہ تھا کہ یہ پینالٹی ضائع کرنا بایرن کو کتنا مہنگا پڑے گا۔ جب پہلا ہاف ختم ہوا تو بایرن کو میچ میں 1-0  کی برتری حاصل تھی لیکن دوسرے ہاف کے نویں منٹ میں ایٹلیٹکو کے اسٹار فٹبالر گریزمین نے مینوئل نوئر کو چکمہ دے کر مقابلہ 1-1 سے برابر کردیا۔

TOPPOPULARRECENT