Friday , April 27 2018
Home / ہندوستان / بابری مسجد کیس : دستاویزات کا انگریزی ترجمہ مطلوب

بابری مسجد کیس : دستاویزات کا انگریزی ترجمہ مطلوب

اندرون دو ہفتے ترجمہ شدہ دستاویزات داخل کرنے کی ہدایت
نئی دہلی 8 فروری (سیاست ڈاٹ کام) سپریم کورٹ نے آج بابری مسجد کیس کے فریقین کو ہدایت دی ہے کہ الہ آباد ہائی کورٹ کے سامنے حاضر ہونے والے بابری مسجد رام جنم بھومی تنازعہ میں درکار تمام دستاویزات کے انگریزی ترجمہ کو اندرون دو ہفتہ عدالت میں داخل کردیں۔ چیف جسٹس دیپک مشرا کی زیرقیادت خصوصی بنچ نے کہاکہ اس کیس میں کی گئی اپیلوں کی سماعت 14 مارچ کو کی جائے گی اور واضح کردیا کہ وہ روزانہ کی اساس پر کیس کی سماعت کا کوئی ارادہ نہیں رکھتے ہیں۔ اس بنچ میں دیگر جج صاحبان اشوک بھوشن اور ایس اے نذیر بھی شامل ہیں۔ بنچ کا کہنا ہے کہ وہ اس کیس کو بروقت معاملہ کے طور پر نمٹے گی کیوں کہ یہ خالص اراضی کا تنازعہ ہے اور بنچ نے یہ بھی اشارہ دیا کہ ایسی درخواستوں کو جو ہائیکورٹ کے سامنے پیش نہیں کی گئی ہیں انھیں بعدازاں زیرسماعت لایا جائے گا۔ عدالت عالیہ نے یہ بھی کہاکہ اس کیس میں مطلوب کتابوں کے متن کا بھی انگریزی میں ترجمہ کرکے دو ہفتے کے اندر داخل کیا جانا چاہئے۔

TOPPOPULARRECENT