Friday , February 23 2018
Home / جرائم و حادثات / بنجارہ ہلز میں عادی رہزن گرفتار

بنجارہ ہلز میں عادی رہزن گرفتار

حیدرآباد ۔ /19 ستمبر (سیاست نیوز) بنجارہ ہلز پولیس کی کرائم ٹیم نے ایک عادی رہزن کو گرفتار کرنے میں کامیابی حاصل کرلی جو بنجارہ ہلز پارک کے بی آر پارک میں چہل قدمی کیلئے آنے والی خواتین کو مسلسل نشانہ بنارہا تھا ۔ ڈپٹی کمشنر آف پولیس ویسٹ زون مسٹر اے وینکٹیشور راؤ نے بتایا کہ 25 سالہ ناٹکر نرسیا ساکن یوسف گوڑہ کرناٹک کا متوطن ہے ۔ انہوں نے کہا کہ نرسیا سال 2013ء میں سینٹرو کار کا سرقہ کیا تھا اور جب سے وہ سرقوں کا عادی ہوگیا ۔ گزشتہ 10 سال میں اس نے کے بی آر پارک میں آنے والے عاشق جوڑوں کو دھمکاکر ان سے روپئے اور طلائی زیورات چھین لیا کرتا تھا ۔ حالیہ دنوں نرسیا نے کے بی آر پارک میں چہل قدمی کیلئے آنے والی خواتین کو نشانہ بنانا شروع کیا اور کئی خواتین کی آگ میں مرچ پاؤڈر چھڑک کر ان کے گلے سے قیمتی طلائی زیورات چھین کر فرار ہوجایا کرتا تھا ۔ کے بی آر پارک میں مسلسل رہزنی کی وارداتوں کے پیش نظر کمشنر پولیس حیدرآباد نے 64 ایچ ڈی سی سی ٹی وی کیمروں کی تنصیب عمل میں لائی تھی اور پارک کے احاطہ میں سادے لپابس میں ملبوس کرائم برانچ عملہ کو بھی متعین کیا گیا تھا ۔ بنجارہ ہلز پولیس نے عادی رہزن نرسیا کی موجودگی کی اطلاع پر اسے پارک سے گرفتار کرلیا اور پولیس اسٹیشن منتقل کرنے کے بعد اس کی تفتیش کی جہاں پر انکشاف ہوا کہ اس نے اب تک 7 رہزنی کی وارداتیں انجام دی ہیں ۔ مسروقہ مال کو نرسیا ایک سنار ستیہ نارائینہ چاری کو فروخت کردیا کرتا تھا ۔ پولیس نے گرفتار رہزن کے قبضے سے 250 گرام مسروقہ طلائی زیورات ، سینٹرو کار جس کی مالیت 8 لاکھ روپئے ہے برآمد کرلی اور اسے عدالت میں پیش کرتے ہوئے جیل بھیج دیا گیا ۔

Top Stories

مولانا آزاد کی برسی پر تقریب کا انعقاد دہلی ومرکزی حکومت کی جانب سے بڑے لیڈران نے شرکت نہیں کی‘ صدر جمہوریہ ہند کی جانب سے ان کی مزار پر گل پوشی اور نائب صدر جمہوریہ نے اپنا پیغام بھیجا نئی دہلی۔آزادہندو ستا ن کے پہلے وزیر اتعلیم مولانا آزاد کے ساٹھ ویں یوم وفات کے موقع پر آج ان کے مزار واقع مینابازار میں ایک تقریب کا انعقاد ائی سی سی آر کی جانب سے کیاگیا۔افسوس کی بات یہ رہی کہ اس مرتبہ بھی مولانا آزاد کی وفات کے موقع پر دہلی ومرکزی حکومت کی جانب سے کسی بڑے لیڈران نے شرکت نہیں کی۔ چونکہ جامع مسجد پر کناڈہ کے وزیراعظم کو آناتھا اس لئے تقریب کو بہت مختصر کردیا گیاتھا۔ اس دوران صدرجمہوریہ ہند کی جانب سے ان کی مزار پر گل پوشی کی گئی او رنائب صدر جمہوریہ ہند نے اپنا پیغام بھیجا۔ ائی سی سی آر کے ڈائریکٹر نے مولانا آزاد کو خراج عقیدت پیش کرتے ہوئے کہاکہ جہاں تک مولانا آزاد کا تعلق ہے اور انہوں نے جو خدمات انجام دیں انہیں فراموش نہیں کیاجاسکتا۔ ہندو مسلم میں اتحاد قائم کیااس کی مثال ملنا مشکل ہے انہوں نے بھائی چارہ کوفروغ دیا۔ انٹر فیتھ ہارمنی فاونڈیشن آف انڈیاکے چیرمن خواجہ افتخار احمد نے کہاکہ مولانا آزاد نے لڑکیوں کی تعلیم پر بہت زیادہ توجہ دی۔ جب حکومت قائم ہونے کے بعد قلمدان کی تقسیم ہونے لگے تو مولانا آزاد نے تعلیم کا قلمدان لیاتاکہ لڑکیو ں کی تعلیم پر خاص دھیان دیاجاسکے۔ خاص طور سے مسلم لڑکیو ں کی تعلیم پر زیادہ دھیان دیاجائے۔کیونکہ مسلم لڑکیو ں کو پڑھنے کے زیادہ مواقع نہیں مل پاتے ۔ معروف سماجی کارکن فیروز بخت احمد مولانا سے منسوب ایک پروگرام میں پونے گئے ہوئے تھے۔ انہوں نے نمائندہ کو فون پر بتایا کہ مولانا آزاد کی تعلیمات کو قوم نے بھلادیا ہے۔ آج تک ان جیسا لیڈر پیدا نہیں ہوسکا اور افسوس کی بات ہے کہ مولانا آزاد کی برسی یا یوم پیدائش کے موقع پر دہلی یامرکزی حکومت کی جانب سے کوئی بڑا لیڈر شریک نہیں ہوتا۔ ایسا معلوم ہوتا کہ حکومت نے مولانا آزاد کو بھلادیا ہے۔ اس دوران سی سی ائی آر کی ایک کمار مولانا ابولکلام آزاد فاونڈیشن کے چیرمن عمران خان سمیت کافی لوگ موجود تھے۔
TOPPOPULARRECENT