Monday , December 11 2017
Home / شہر کی خبریں / بورا بنڈہ میں پولیس اسٹیشن کے قیام کی راہ ہموار، ڈپٹی مئیر فصیح الدین کی شخصی دلچسپی پر عوام رضا مند

بورا بنڈہ میں پولیس اسٹیشن کے قیام کی راہ ہموار، ڈپٹی مئیر فصیح الدین کی شخصی دلچسپی پر عوام رضا مند

حیدرآباد ۔ 30 ۔ مارچ : ( سیاست نیوز ) : بورا بنڈہ علاقہ میں پولیس اسٹیشن کے قیام کے لیے راہ ہموار ہوچکی ہے ۔ پولیس اسٹیشن کے قیام میں حائل سب سے بڑی رکاوٹ اراضی کا مسئلہ حل کرلیا گیا ہے ۔ ڈپٹی مئیر بلدیہ محمد بابا فصیح الدین کی شخصی دلچسپی سے عوام نے اراضی دینے کا اعلان کردیا ہے ۔ یاد رہے کہ اس علاقہ میں اراضی کے لیے محکمہ پولیس کافی دنوں سے تلاش میں مصروف تھا تاہم این آر ریڈی پورم ہاوزنگ کوآپریٹیو سوسائٹی نے 4 کروڑ مالیتی اراضی کو دینے کا اعلان کیا ہے ۔ اس موقع پر این آر آر ہاوزنگ سوسائٹی کے صدر ایم اے ستار نائب صدر پی ملایا سکریٹری جہانگیر نے اراضی کے دستاویزات حوالے کیے ۔ ڈپٹی مئیر نے اس سوسائٹی کو ریاست کے لیے مشعل راہ قرار دیا اور ہر طرح سے سوسائٹی کی ترقی کے لیے اقدامات کا بھروسہ دلایا ۔ اس موقع پر محمد ضیا الدین ، محمد یسین ، رحمان ، بالراج و دیگر موجود تھے ۔۔

اپرپلی راجندر نگر میں
اسٹریٹ لائٹس کا افتتاح
شمس آباد ۔ 30 ۔ مارچ : ( سیاست نیوز) : راجندر نگر حلقہ کے اپرپلی ہیپی ہومس میں اسٹریٹ لائٹس کا افتتاح  ڈی ای کمل کے ہاتھوں عمل میں آیا ۔ سید مزمل احمد ٹی آر ایس اپرپلی ایریا کمیٹی صدر نے بتایا کہ اپرپلی کی عوام نے اسٹریٹ لائٹس ڈالنے کا مطالبہ کیا تھا ۔ انتخابی مہم کے دوران ہم نے وعدہ کیا تھا کہ اس مسئلہ کو حل کیا جائے گا ۔ برقی کھمبے ڈال کر اسٹریٹ لائٹس کو ڈلوایا گیا جس کیلئے GHMC کی جانب سے تین لاکھ پچاس ہزار روپئے منظور کئے گئے تھے ۔ اس کے علاوہ ہم نے دیگر مسائل کے حل کے لیے بھی کوشش کررہے ہیں اور بہت جلد ان پر بھی عمل ہوگا ۔ اس موقع پر اے ای سریندر ، ڈیویڈ ، دھرما ریڈی ، ساجد خاں ، خالد علی کے علاوہ دیگر افراد موجود تھے ۔۔

TOPPOPULARRECENT