Thursday , September 20 2018
Home / اضلاع کی خبریں / تبلیغ دین میں اولیاء اللہ کا اہم کردار

تبلیغ دین میں اولیاء اللہ کا اہم کردار

کرنول میں عرس تقریب سے مولانا سید شاہ خلیل اللہ قادری کا خطاب

کرنول میں عرس تقریب سے مولانا سید شاہ خلیل اللہ قادری کا خطاب
کرنول /26 مارچ ( فیاکس ) تبلیغ دین میں اولیاء اللہ کا اہم کردار رہا ہے ۔ اولیاء اللہ خدا کے قریبی بندے ہوا کرتے ہیں ، اولیاء پر اللہ کی خصوصی رحمتیں نازل ہوتی ہیں ۔ ان خیالات کااظہار مولانا سید شاہ خلیل اللہ قادری نے کیا ۔ نبیرہ حضرت سید شاہ اسحق ثناء اللہ قادریؒ ( روضہ درگاہ شریف ) حضرت سید شاہ فقیر پاشاہ قادریؒ کے عرس تقاریب منعقد کئے گئے ۔ سجادہ نشین درگاہ گنگاوتی کرناٹک مولانا سید شاہ خلیل اللہ قادری مہمان خصوصی کی حیثیت سے شریک رہے ۔ انہوں نے حاضرین سے خطاب کرتے ہوئے کہا کہ اولیاء کی بتائی ہوئی باتوں کو اپنانے سے دین کی اشاعت میں آسانی ہوگی ۔ اولیاء نے دین کی اشاعت میں کافی اہم رول ادا کیا ہے ۔ انہوں نے کہا کہ حضرت فقیر پاشاہ قادریؓ نے ہندوستان کی طرف عزم سفر باندھا ، بعد میں کرنول آئے ان کا مقصد صرف اور صرف دین کی اشاعت ہے ۔ کوئی دنیاوی اغراض مقاصد نہیں تھے ۔ حضرت سے سینکڑوں لوگوں نے ایمان کی تشنگی کو دور کرلیا ، ہم کو چاہئے کہ اولیاء کا احترام کریں ۔ جلوس صندل بعد نماز مغرب سجادہ نشین سید شاہ انور باشاہ قادری کے مکان سے برآمد ہوکر فقراء کے جلوس کے ساتھ ضرب و کمالات پیش کرتے ہوئے بارگاہ اسحقیہ پہنچا ۔ بعد نماز عشاء صندل مالی چادرگل کی پیشکشی کے بعد سلام بحضور خیرالانام ، شجرہ فاتحہ خوانی کی گئی ۔ بدست سجادہ نشین تبرک تقسیم کیا گیا ۔ دوسرے روز عرس شریف ( چراغاں ) روشن کئے گئے جس میں ہزاروں عاشقان اولیاء نے شرکت فرماکر اپنی محبت و عقیدت کا اظہار کیا ۔ تیسرے روز زیارت کے فاتحہ منعقد کئے گئے ۔ تلاوت کلام پاک کے بعد تبرک تقسیم کیا گیا ۔ برادر سجادہ نشین سید شاہ دادا باشاہ قادری نے عرس تقاریب کے انعقاد میں اہم کردار ادا کیا ۔ آخر میں برادر سجادہ نشین سید شاہ دادا باشاہ قادری نے تمام حاضرین کا شکریہ ادا کیا ۔ اس موقع پر قاضی سید شاہ جعفر محی الدین قادری المعروف قادری بابا سرگرو سید شاہ غوث پیر قادری ، سید شاہ عابد حسینی چشتی ، سید شاہ نور الحسنی ، سید شاہ نذراللہ قادری کے علاوہ سینکڑوں عاشقان اولیاء شریک رہے ۔

TOPPOPULARRECENT