Sunday , June 24 2018
Home / شہر کی خبریں / جناب یوسف قریشی کا انتقال تلنگانہ کے لیے عظیم نقصان

جناب یوسف قریشی کا انتقال تلنگانہ کے لیے عظیم نقصان

ڈپٹی چیف منسٹر محمد محمود علی کا تعزیتی بیان

ڈپٹی چیف منسٹر محمد محمود علی کا تعزیتی بیان
حیدرآباد ۔ 15 اگست ( سیاست نیوز ) سابق چیرمین ریاستی اقلیتی کمیشن جناب یوسف قریشی کے انتقال پر گہرے رنج وغم کا اظہار کرتے ہوئے نائب وزیراعلی تلنگانہ ریاست جناب محمد محمود علی نے کہاکہ مرحوم ملت کا شمار ملت اسلامیہ کے لئے تڑپتا دل رکھنے والی شخصیتوں میںکیا جاتا تھا۔ جناب محمد محمود علی نے اپنے تعزیتی بیان میں جناب یوسف قریشی کے انتقال کو ریاست تلنگانہ کا عظیم نقصان قراردیا اور کہاکہ تلنگانہ کے اقلیتوں کے مسائل کے حل کے لئے مرحوم شب روز سرگرم رہتے تھے۔ انہوں نے کہاکہ اوقافی جائیدادوں کی حفاظت اور بازیابی کے لئے بھی مرحوم نے کافی مشقت کی تھی اور مرحوم اپنی آخری سانس تک بھی وقف جائیدادوں کی بازیابی ‘ اقلیتی طبقات کی فلاح وبہبود بالخصو ص ریاست کے مسلمانوں کودرپیش مسائل کے حل کے لئے جدوجہد کرتے رہے۔ انہوں نے مرحوم کے لئے دعائے مغفرت کی اور کہاکہ مرحوم کے پسماندگان کو اللہ صبر جمیل عطا کرے۔

TOPPOPULARRECENT