Friday , November 24 2017
Home / سیاسیات / جنتا دل (یو) لیڈر اور سابق ایم ایل اے پارٹی سے برطرف

جنتا دل (یو) لیڈر اور سابق ایم ایل اے پارٹی سے برطرف

پٹنہ، 3 اپریل (سیاست ڈاٹ کام) بہار میں حکمراں جنتا دل یونائٹیڈ (جے ڈی یو) کے سینئر لیڈر اور وکرم گنج حلقہ کے سابق رکن اسمبلی ڈاکٹر سوریہ دیو سنگھ کو مجرمانہ سرگرمیوں میں ملوث ہونے کے الزام میں آج پارٹی کی بنیادی رکنیت سے برخاست کردیا گیا۔ جے ڈی یو کے جنرل سکریٹری ڈاکٹر نوین کمار آریہ نے یہاں بتایا کہ پارٹی کے ریاستی صدر بشٹھ نارائن سنگھ کی ہدایت پر روہتاس ضلع کے وکرم گنج کے سابق ایم ایل اے ڈاکٹر سنگھ کو مجرمانہ سرگرمیوں میں ملوث رہنے کے سبب فوری اثر سے پارٹی کی ابتدائی رکنیت سے برطرف کردیا گیا ہے ۔ ڈاکٹر سنگھ اس وقت پارٹی میں کسی عہدہ پر نہیں تھے ۔ واضح رہے کہ سہسرام پولیس نے تنازعہ اراضی کے سلسلے میں فائرنگ کے بعد کل ایک بچی کی موت کے معاملے میں سابق ایم ایل اے سوریہ دیو سنگھ کو گرفتار کیا تھا۔ پولیس نے ان کے پاس سے ہتھیار بھی برآمد کیا تھا۔ سابق ایم ایل اے کو آج جیل بھیج دیا گیا ہے ۔

TOPPOPULARRECENT