Friday , February 23 2018
Home / شہر کی خبریں / حضرت خواجہ بندہ نواز گیسو دراز کے عرس تقاریب کا آج آغاز

حضرت خواجہ بندہ نواز گیسو دراز کے عرس تقاریب کا آج آغاز

کل جلوس صندل مبارک ۔ حضرت ڈاکٹر خسرو حسینی کی نگرانی میں تمام تر انتظامات مکمل
حیدرآباد۔6اگسٹ (سیاست نیوز) حضرت سید خواجہ سیدنا گیسودراز بندہ نوازؒ کے 613ویں عرس تقاریب کا آغاز 7اگسٹ بروز دوشنبہ حضرت ڈاکٹر سید شاہ گیسو دراز خسرو حسینی لباس خواجگی میں درگاہ شریف حضرت بندہ نوازؒ کی خدمت انجام دیتے ہوئے کریں گے۔ اسی روز شام سجادہ نشین خواجہ بازار کا افتتاح انجام دیں گے۔ نظام العمل کے مطابق 8اگسٹ مطابق 15ذیقعدہ کو 6بجے جلوس صندل مبارک محبوب مارکٹ سے روانہ ہوگا جہاں سجادہ نشین صندل مبارک معتقدین کے حوالہ کریں گے جو مختلف علاقوں سے گذرتے ہوئے رات 10بجے کے قریب گیارہ سیڑھی پہنچے گا۔درگاہ شریف کی گیارہ سیڑھی پر ڈاکٹر سید شاہ خسرو حسینی صندل شریف کا استقبال کریں گے۔رات ایک بجے 1بجکر 30 منٹ پر صندل مالی کے مراسم کی انجام دہی کا آغاز ہوگااور رود صندل کے بعد فاتحہ بائیس خواجگان چشت مراسم صندل مالی و دعائے سلامتی ہوگی اور بعد ازاں بند سماع منعقد ہوگا۔16ذیقعدہ 9اگسٹ بروز چہارشنبہ 11بجے دن سے سیمینار کا سلسلہ شروع ہو جائے گا۔ 17ذیعقدہ 10اگسٹ کو خدمت چراغاں ‘ جلسہ قرأت و نعت منعقد ہوگا۔ 4بجے دن ختم قرآن مجید منعقد ہوگی۔ رات 10بجے محفل سماع منعقد ہوگی۔ 11بجے شب محفل قل صدر صوفہ دیوڑھی روضہ بزرگ میں منعقد ہوگی۔ڈاکٹر سید شاہ خسرو حسینی کی زیر نگرانی تمام انتظامات مکمل کرلئے گئے ہیں اور شہر گلبرگہ کے شہریوں میں بھی عرس کے آغاز کے سلسلہ میں انتہائی جوش و خروش پایا جاتا ہے۔

Top Stories

مولانا آزاد کی برسی پر تقریب کا انعقاد دہلی ومرکزی حکومت کی جانب سے بڑے لیڈران نے شرکت نہیں کی‘ صدر جمہوریہ ہند کی جانب سے ان کی مزار پر گل پوشی اور نائب صدر جمہوریہ نے اپنا پیغام بھیجا نئی دہلی۔آزادہندو ستا ن کے پہلے وزیر اتعلیم مولانا آزاد کے ساٹھ ویں یوم وفات کے موقع پر آج ان کے مزار واقع مینابازار میں ایک تقریب کا انعقاد ائی سی سی آر کی جانب سے کیاگیا۔افسوس کی بات یہ رہی کہ اس مرتبہ بھی مولانا آزاد کی وفات کے موقع پر دہلی ومرکزی حکومت کی جانب سے کسی بڑے لیڈران نے شرکت نہیں کی۔ چونکہ جامع مسجد پر کناڈہ کے وزیراعظم کو آناتھا اس لئے تقریب کو بہت مختصر کردیا گیاتھا۔ اس دوران صدرجمہوریہ ہند کی جانب سے ان کی مزار پر گل پوشی کی گئی او رنائب صدر جمہوریہ ہند نے اپنا پیغام بھیجا۔ ائی سی سی آر کے ڈائریکٹر نے مولانا آزاد کو خراج عقیدت پیش کرتے ہوئے کہاکہ جہاں تک مولانا آزاد کا تعلق ہے اور انہوں نے جو خدمات انجام دیں انہیں فراموش نہیں کیاجاسکتا۔ ہندو مسلم میں اتحاد قائم کیااس کی مثال ملنا مشکل ہے انہوں نے بھائی چارہ کوفروغ دیا۔ انٹر فیتھ ہارمنی فاونڈیشن آف انڈیاکے چیرمن خواجہ افتخار احمد نے کہاکہ مولانا آزاد نے لڑکیوں کی تعلیم پر بہت زیادہ توجہ دی۔ جب حکومت قائم ہونے کے بعد قلمدان کی تقسیم ہونے لگے تو مولانا آزاد نے تعلیم کا قلمدان لیاتاکہ لڑکیو ں کی تعلیم پر خاص دھیان دیاجاسکے۔ خاص طور سے مسلم لڑکیو ں کی تعلیم پر زیادہ دھیان دیاجائے۔کیونکہ مسلم لڑکیو ں کو پڑھنے کے زیادہ مواقع نہیں مل پاتے ۔ معروف سماجی کارکن فیروز بخت احمد مولانا سے منسوب ایک پروگرام میں پونے گئے ہوئے تھے۔ انہوں نے نمائندہ کو فون پر بتایا کہ مولانا آزاد کی تعلیمات کو قوم نے بھلادیا ہے۔ آج تک ان جیسا لیڈر پیدا نہیں ہوسکا اور افسوس کی بات ہے کہ مولانا آزاد کی برسی یا یوم پیدائش کے موقع پر دہلی یامرکزی حکومت کی جانب سے کوئی بڑا لیڈر شریک نہیں ہوتا۔ ایسا معلوم ہوتا کہ حکومت نے مولانا آزاد کو بھلادیا ہے۔ اس دوران سی سی ائی آر کی ایک کمار مولانا ابولکلام آزاد فاونڈیشن کے چیرمن عمران خان سمیت کافی لوگ موجود تھے۔
TOPPOPULARRECENT