Tuesday , December 11 2018

حلقہ اسمبلی الاگڈہ میں ضمنی انتخاب

وائی ایس آر کانگریس امیدوار اکھیلا پریہ بلامقابلہ منتخب

وائی ایس آر کانگریس امیدوار اکھیلا پریہ بلامقابلہ منتخب
حیدرآباد /24 اکتوبر (سیاست نیوز) وائی ایس آر کانگریس امیدوار اکھیلا پریہ حلقہ اسمبلی الاگڈہ کے ضمنی انتخاب میں بلامقابلہ کامیاب ہو گئیں، جس کی الیکشن کمیشن نے تصدیق کردی۔ واضح رہے کہ وائی ایس آر کانگریس کی رکن اسمبلی شوبھا ناگی ریڈی عام انتخابات سے قبل انتخابی مہم کے دوران سڑک حادثہ میں ہلاک ہو گئی تھیں۔ الیکشن کمیشن نے اس حلقہ میں 8 نومبر کو رائے دہی کرانے کا اعلان کیا تھا۔ وائی ایس آر کانگریس نے شوبھا ناگی ریڈی کی دختر اکھیلا پریہ کو اپنا امیدوار بنایا تھا، جب کہ تلگودیشم اور کانگریس نے روایت کو برقرار رکھتے ہوئے اپنا کوئی امیدوار کھڑا نہیں کیا، جس کی وجہ سے آزاد امیدواروں نے بھی دست برداری اختیار کرلی، اس طرح مسز اکھیلا بلامقابلہ کامیاب ہو گئیں۔ اس موقع پر مسز اکھیلا نے انھیں امیدوار بناے پر صدر وائی ایس آر کانگریس جگن موہن ریڈی کے علاوہ کانگریس، تلگودیشم اور آزاد امیدواروں سے اظہار تشکر کرتے ہوئے کہاکہ وہ اپنی والدہ آنجہانی شوبھا ناگی ریڈی کے خوابوں کو پورا کرنے اور حلقہ اسمبلی الاگڈہ کو مثالی حلقہ میں تبدیل کرنے کے لئے شب و روز کام کریں گی۔

TOPPOPULARRECENT