Friday , January 19 2018
Home / ہندوستان / حکومت آسام کا وزارت اقلیتی اُمور کو ترقیاتی تجاویز کاادخال

حکومت آسام کا وزارت اقلیتی اُمور کو ترقیاتی تجاویز کاادخال

گوہاٹی۔/7اگسٹ، ( سیاست ڈاٹ کام) حکومت آسام نے ریاست میں ہمہ شعبہ جات ترقیات کیلئے پروگرام کی تجاویز جس کے مصارف ممکنہ طور پر 605.16 کروڑ روپئے ہوسکتے ہیں، مرکزی حکومت کو روانہ کی ہے۔ ریاستی اسمبلی کو آج یہ بات بتائی گئی۔ اے آئی یو ڈی ایف ایم ایل اے مجیب الرحمن کی جانب سے وقفہ سوالات کے دوران پوچھے گئے ایک سوال کا جواب دیتے ہوئے وزیر برائ

گوہاٹی۔/7اگسٹ، ( سیاست ڈاٹ کام) حکومت آسام نے ریاست میں ہمہ شعبہ جات ترقیات کیلئے پروگرام کی تجاویز جس کے مصارف ممکنہ طور پر 605.16 کروڑ روپئے ہوسکتے ہیں، مرکزی حکومت کو روانہ کی ہے۔ ریاستی اسمبلی کو آج یہ بات بتائی گئی۔ اے آئی یو ڈی ایف ایم ایل اے مجیب الرحمن کی جانب سے وقفہ سوالات کے دوران پوچھے گئے ایک سوال کا جواب دیتے ہوئے وزیر برائے پارلیمانی امور نیلامنی سین نے کہا کہ جن تجاویز کا ادخال عمل میں آیا ہے ان پر وزارت اقلیتی اُمور غور و خوض کررہی ہے۔ نیلامنی سین نے وزیر برائے اقلیتی بہبود و ترقیات نذرالاسلام کی جانب سے کہا کہ 12ویں پنجسالہ منصوبہ کے مطابق مجوزہ تجاویز پر عمل آوری کے لئے 525.26 کروڑ روپئے حکومت ہند کی جانب سے مختص کئے جاسکتے ہیں۔ انہوں نے کہا کہ یہ خطیر رقم آسام کے118اقلیتی بلاکس اور ایک اقلیتی ٹاؤن کی ترقیات کیلئے مختص کئے جانے کا اشارہ ملا ہے۔12ویں پنجسالہ منصوبہ کے تحت مرکز نے 2013-14 1.20 کروڑ روپئے جاری کئے ہیں۔

نابالغ لڑکی کا اغواء اور عصمت ریزی کرنے والا نوجوان گرفتار
تھانے۔/7اگسٹ، ( سیاست ڈاٹ کام ) تھانے کے میرا روڈ میں ایک 25سالہ نوجوان کو اپنے ہی رشتہ دار کی ایک نابالغ لڑکی کا مبینہ اغواء اور عصمت ریزی کرنے پر گرفتار کیا گیا۔ میرا روڈ پولیس اسٹیشن انسپکٹر دھننجے شیرساگر نے میڈیا کو بتایا کہ ملزم روی کمار چورسیا کا تعلق یو پی کے شہر لکھنؤ کے ایک موضع سے ہے جو میرا روڈ میں بحیثیت پینٹر برسر کار تھا ۔ گذشتہ سال اپنے ہی ایک رشتہ دار کی 14سالہ لڑکی سے اس کی دوستی ہوگئی۔ 30جون کو ملزم لڑکی کو بھائندرنامی علاقہ کے ایک سنسان مقام پر لے گیا اور اس کی عصمت ریزی کی۔مسٹر ساگر نے کہا کہ ملزم لڑکی کو لکھنؤ لے گیا اور وہاں بھی اس سے شادی کرنے کے وعدہ پر کئی بار اس کی عصمت ریزی کی۔

TOPPOPULARRECENT