Tuesday , December 18 2018

حیدرآباد میں انٹرنیشنل کائٹ فیسٹیول کا آغاز

Deputy Chief Minister of Telangana Mohammed Mahmood Ali, Council chairman Swamy goud and others at the inauguration of the Kite festival at Parade grounds secundrabad on Saturday.Pic:Style photo service.

3 روزہ فیسٹیول کا ڈپٹی چیف منسٹر محمد محمود علی نے افتتاح کیا
حیدرآباد ۔ 13 ۔ جنوری : ( سیاست نیوز) : حیدرآباد میں انٹرنیشنل کائٹ فیسٹیول کا افتتاح عمل میں آیا ۔ پریڈ گراونڈس پر آج منعقدہ ایک تقریب کے ساتھ ہی تیسرے تلنگانہ انٹرنیشنل کائیٹ فیسٹیول کا آغاز ہوا ۔ ڈپٹی چیف منسٹر محمد محمود علی نے سہ روزہ شاندار فیسٹیول کا افتتاح کیا ۔ جب کہ وزیر سیاحت اجمیرا چندو لال ، سکریٹری سیاحت بورا وینکٹیشم ، کمشنر سیاحت سنیتا بھاگوت بھی اس موقع پر موجود تھے ۔ نیشنل کیڈٹس کارپس این سی سی نے مارچس میں حصہ لیا جب کہ کئی ایک تعلیمی اداروں کے طلباء نے حصہ لیا ۔ اس موقع پر فوک ڈانس بھی ہوا ۔ اس فیسٹیول میں مختلف سائز کے پتنگ اڑائے جائیں گے ۔ ان میں زیادہ تر ریموٹ کنٹرول والے پتنگ ہوں گے ، رنگ برنگے پتنگوں سے آسماں میں ایک خوشنما منظر ابھر رہا ہے ۔ اس فیسٹیول میں لڑکیوں کی تعلیم کو یقینی بنانے کی حمایت کے ساتھ پتنگوں کو اڑایا جارہا ہے ۔ قومی پرچم والے پتنگ بھی پیش کئے جارہے ہیں ۔ یہ کائٹ فیسٹیول 2016 میں شروع ہوا تھا جس کو آغا خاں اکیڈیمی کی جانب سے منعقد کیا جارہا ہے ۔ پہلے دو فیسٹیول شمس آباد میں اکیڈیمی کے احاطہ میں منعقد کئے گئے ۔ اس سال تلنگانہ وزارت سیاحت نے شراکت داری کی حیثیت سے فیسٹیول کا اہتمام کیا ۔ جب کہ آغا خاں اکیڈیمی اور دیگر ادارے بھی حصہ لے رہے ہیں ۔ اس فیسٹیول میں 15 ممالک حصہ لے رہے ہیں جہاں جملہ 80 پتنگ اڑیں گے ۔ ہر سال سنکرانتی تہوار کے موقع پر پتنگ بازی ہوتی ہے ۔ پرانے شہر میں خاص کر اس تہوار کا خاص اہتمام ہوتا ہے ۔۔

TOPPOPULARRECENT