Friday , May 25 2018
Home / شہر کی خبریں / حیدرآباد میں سردی کی لہر میں اضافہ‘ نواحی علاقوں میں گہرا کہر

حیدرآباد میں سردی کی لہر میں اضافہ‘ نواحی علاقوں میں گہرا کہر

حیدرآباد۔3 دسمبر (یواین آئی)شہر میں گزشتہ دو دن سے سردی کی لہر میں اضافہ ہوگیا ہے ۔ نواحی علاقوں میں سردی کے ساتھ کہر کی گھنی چادر علی الصبح شروع ہورہی ہے 9 بجے تک اس کا اثر ہے جس سے گاڑیوں کی آمد و رفت متاثر ہو رہی ہے ۔نواحی علاقوں بالخصوص شمس آباد ائرپورٹ جانے والی روڈ سمیت آوٹر رنگ روڈ پر کہر کی گھنی چادر نظر آرہی ہے ۔ صبح کے وقت چہل قدمی کرنے والوں کو بھی مشکلات کا سامنا کرنا پڑ رہا ہے ۔ لوگ سردی سے بچنے مختلف تدابیر اختیار کر رہے ہیں ۔گرم کپڑوں اور لحافوں و سوئیٹرس کی فروخت میں اضافہ ہوگیا ۔ آندھراپردیش کے وشاکھامنیم کے ایجنسی علاقوں میں کہر سے خوب صورت نظارہ دیکھنے کو مل رہا ہے ۔ دس منڈلوں میں درجہ حرارت دس ڈگری تک جاپہنچا ہے ۔ پاڈیرو ، لمباسنگی ، چنتاپلی میں درجہ حرارت10ڈگری سلسیس درج کیا گیا ۔

TOPPOPULARRECENT