Thursday , September 20 2018
Home / شہر کی خبریں / دکن ریڈیو کے پروگرامس کو دلچسپ بنانے کیلئے ماہرین کے تجاویز

دکن ریڈیو کے پروگرامس کو دلچسپ بنانے کیلئے ماہرین کے تجاویز

مشاورتی اجلاس سے جناب ظہیر الدین علی خاں کا خطاب

مشاورتی اجلاس سے جناب ظہیر الدین علی خاں کا خطاب
حیدرآباد ۔ 17 ۔ نومبر : ( سیاست نیوز ) : دکن ریڈیو کے پروگرامس کو دلچسپ بنانے اور اس میں زندگی کے مختلف شعبہ جات کے افراد کو شامل کرنے کے لیے تجاویز اور مشورے طلب کئے گئے ۔ جناب ظہیر الدین علی خاں مینجنگ ایڈیٹر سیاست نے مشاورتی اجلاس کو مخاطب کرتے ہوئے کہا کہ اردو ایک شیریں زبان ہے ۔ اس کی اردو والے قدر نہیں کرتے ۔ ٹیلی ویژن کے کئی قومی چیانلس میں اردو زبان کے دلچسپ پروگرام نشر ہوتے ہیں ۔ اردو زبان کے کئی پروگرام کے آڈیو کو دکن ریڈیو سے نشر کیا جاسکتا ہے ۔ جناب عابد صدیقی نے مشورہ دیا کہ شہر نامہ کے تحت مختلف سماجی ، ادبی سرگرمیوں کو پیش کیا جاسکتا ہے ۔ باقر مرزا نے مشورہ دیا کہ دکن ریڈیو کے جو پروگرامس ہیں ان میں متعلقہ شخصیات کو شامل کیا جائے ۔ جناب زاہد فاروقی نے دکن ریڈیو کے روزانہ نشر ہونے والے 8 گھنٹے کے پروگرامس کی تفصیلات بتاتے ہوئے ان کو دلچسپ اور معیاری بنانے کے لیے مشاورتی بورڈ کے ارکان سے تجاویز ، مشورے کو شامل کیا اور اس ایقان کا اظہار کیا کہ ان پر عمل آوری کرتے ہوئے ان کو نہایت دلچسپ اور موثر بنایا جائے گا ۔ اس اجلاس میں سردار نانک سنگھ نشتر ، عابد صدیقی ، باقر مرزا ، منور علی مختصر ، محبوب حسین آزاد ، مسیح الدین لئیق ، بھاسکر بینی ایڈوکیٹ ، سوپرشانتی ، ایم اے حمید ، سریدھر نے حصہ لیتے ہوئے اپنے تجاویز پیش کئے ۔ دکن ریڈیو کے اسٹاف ارکان ، زاہد فاروقی ، فہیم انصاری ، صفا ، حنا ، یاسمین ، محمد منیر ، محمد خالد نے حصہ لیا ۔ آخر میں زاہد فاروقی نے شکریہ ادا کیا ۔۔

TOPPOPULARRECENT