Friday , February 23 2018
Home / دنیا / دہشت گرد حملہ کے سازشی چار افراد گرفتار

دہشت گرد حملہ کے سازشی چار افراد گرفتار

بیجنگ ۔ 8 ڈسمبر (سیاست ڈاٹ کام) چار افراد کو آج چین میں گرفتار کرلیا گیا جو مبینہ طور پر صوبہ شانگ ژی میں دہشت گرد حملہ کی سازش کررہے تھے اور مسلمانوں کو اکسا رہے تھے کہ وہ شام کا سفر کریں تاکہ دولت اسلامیہ کے شانہ بشانہ جہاد کرسکیں۔ مشتبہ افراد کو حال ہی میں چین سے گرفتار کیا گیا ہے جبکہ وہ دہشت گرد حملوں کیلئے مسلمانوں کو ہجرت پر اکسا رہے تھے اور سرکاری خبر رساں ادارہ گلوبل ٹائمس کی خبر کے بموجب یہ افراد چین کے ایک صوبہ میں دہشت گرد حملوں کی سازش کررہے تھے۔ شورش زدہ صوبہ ژنجیانگ سے ترک وطن کرکے کئی افراد دولت اسلامیہ کے مجاہدین کے شانہ بشانہ جہاد کیلئے شام جا چکے ہیں۔ ژنجیانگ میں ترک نژاد ایغور قبائیلی مسلمانوں کی کثیر آبادی ہے جو شکایت کرتے ہیں کہ انہیں زبردستی اور ظلم کا نشانہ بنایا جارہا ہے اور نسلی بنیاد پر حکومت چین ان کے ساتھ تعصب کا رویہ اختیار کرتی ہے۔ اس صوبہ کی جملہ آبادی دو کروڑ 10 لاکھ مسلمانوں پر مشتمل ہے جن میں اکثریت ایغور قبائیلی ترک نژاد مسلمانوں کی ہے۔

Top Stories

مولانا آزاد کی برسی پر تقریب کا انعقاد دہلی ومرکزی حکومت کی جانب سے بڑے لیڈران نے شرکت نہیں کی‘ صدر جمہوریہ ہند کی جانب سے ان کی مزار پر گل پوشی اور نائب صدر جمہوریہ نے اپنا پیغام بھیجا نئی دہلی۔آزادہندو ستا ن کے پہلے وزیر اتعلیم مولانا آزاد کے ساٹھ ویں یوم وفات کے موقع پر آج ان کے مزار واقع مینابازار میں ایک تقریب کا انعقاد ائی سی سی آر کی جانب سے کیاگیا۔افسوس کی بات یہ رہی کہ اس مرتبہ بھی مولانا آزاد کی وفات کے موقع پر دہلی ومرکزی حکومت کی جانب سے کسی بڑے لیڈران نے شرکت نہیں کی۔ چونکہ جامع مسجد پر کناڈہ کے وزیراعظم کو آناتھا اس لئے تقریب کو بہت مختصر کردیا گیاتھا۔ اس دوران صدرجمہوریہ ہند کی جانب سے ان کی مزار پر گل پوشی کی گئی او رنائب صدر جمہوریہ ہند نے اپنا پیغام بھیجا۔ ائی سی سی آر کے ڈائریکٹر نے مولانا آزاد کو خراج عقیدت پیش کرتے ہوئے کہاکہ جہاں تک مولانا آزاد کا تعلق ہے اور انہوں نے جو خدمات انجام دیں انہیں فراموش نہیں کیاجاسکتا۔ ہندو مسلم میں اتحاد قائم کیااس کی مثال ملنا مشکل ہے انہوں نے بھائی چارہ کوفروغ دیا۔ انٹر فیتھ ہارمنی فاونڈیشن آف انڈیاکے چیرمن خواجہ افتخار احمد نے کہاکہ مولانا آزاد نے لڑکیوں کی تعلیم پر بہت زیادہ توجہ دی۔ جب حکومت قائم ہونے کے بعد قلمدان کی تقسیم ہونے لگے تو مولانا آزاد نے تعلیم کا قلمدان لیاتاکہ لڑکیو ں کی تعلیم پر خاص دھیان دیاجاسکے۔ خاص طور سے مسلم لڑکیو ں کی تعلیم پر زیادہ دھیان دیاجائے۔کیونکہ مسلم لڑکیو ں کو پڑھنے کے زیادہ مواقع نہیں مل پاتے ۔ معروف سماجی کارکن فیروز بخت احمد مولانا سے منسوب ایک پروگرام میں پونے گئے ہوئے تھے۔ انہوں نے نمائندہ کو فون پر بتایا کہ مولانا آزاد کی تعلیمات کو قوم نے بھلادیا ہے۔ آج تک ان جیسا لیڈر پیدا نہیں ہوسکا اور افسوس کی بات ہے کہ مولانا آزاد کی برسی یا یوم پیدائش کے موقع پر دہلی یامرکزی حکومت کی جانب سے کوئی بڑا لیڈر شریک نہیں ہوتا۔ ایسا معلوم ہوتا کہ حکومت نے مولانا آزاد کو بھلادیا ہے۔ اس دوران سی سی ائی آر کی ایک کمار مولانا ابولکلام آزاد فاونڈیشن کے چیرمن عمران خان سمیت کافی لوگ موجود تھے۔
TOPPOPULARRECENT