Sunday , July 22 2018
Home / ہندوستان / دینی مدرسوںمیں عصری اور سنسکرت کی تعلیم کا چیف منسٹر یوگی آدتیہ ناتھ کا منصوبہ

دینی مدرسوںمیں عصری اور سنسکرت کی تعلیم کا چیف منسٹر یوگی آدتیہ ناتھ کا منصوبہ

لکھنو۔18جنوری ( سیاست ڈاٹ کام) چیف منسٹر یو پی یوگی آدتیہ ناتھ نے آج کہا کہ دینی مدرسوں کو بند کرنا کسی مسئلہ کا حل نہیں ہے ۔ انہوں نے اسلامی مدرسوں اور سنسکرت مدرسوں میں عصری تعلیم دینے پر زور دیا ‘ تاکہ طلبہ مسابقت میں حصہ لے سکیں ۔ آدتیہ ناتھ نے کہا کہ ملک گمراہ افراد کی توانائی سے راشٹرنرمان میں استفادہ نہیں کرسکے گا ۔ انہوں نے زور دے کر کہا کہ معیاری تعلیم اس مسئلہ کا حل ہے ۔ انہوں نے کہا کہ ہم دینی مدرسوں کی جدید کاری پر غور کرسکتے ہیں ۔ انہیں بند کردینا وقتی ترقی پر غور کرنے کے مترادف ہوگا ۔ انہوں نے کہا کہ وہ سنسکرت اسکولوں کو بھی ہدایت دیں گے کہ روایتی تعلیم کے علاوہ انہیں کمپیوٹر ‘ انگریزی ‘ سائنس اور ریاضی کی تعلیم بھی دینا چاہیئے تاکہ چیلنجوں کا سامنا کرسکیں ۔ وہ اقلیتی وزرائے بہبود کے ایک اجلاس سے جس میں 9ریاستوں کے وزراء شرکت کررہے تھے جن میں ہریانہ ‘ ہماچل پردیش ‘ اتراکھنڈ ‘ جموں و کشمیر ‘ بہار ‘ دہلی اور پنجاب شامل تھے ۔ ان کے علاوہ مرکزی وزیر برائے اقلیتی اُمور مختار عباس نقوی ‘ صدر یو پی شیعہ وقف بورڈ وسیم رضوی بھی شامل تھے ۔ وسیم رضوی نے حال ہی میں وزیراعظم نریندر مودی اور چیف منسٹر یو پی کو مکتوبات روانہ کرتے ہوئے مدرسوں کو بند کردینے کا مطالبہ کیا تھا ۔

TOPPOPULARRECENT