Monday , December 11 2017
Home / دنیا / سری لنکا میں سیلاب ‘ ہلاکتوں کی تعداد 84ہوگئیں

سری لنکا میں سیلاب ‘ ہلاکتوں کی تعداد 84ہوگئیں

Sri Lankan coast guard officers evacuate an elderly person from a flooded area of Wellampitiya on the out skirts of Colombo, Sri Lanka, Friday, May 20, 2016. Hundreds of boats plied deep floodwaters that have inundated thousands of homes in the Sri Lankan capital, delivering aid and rescuing the elderly and sick from rooftops as forecasters warned of more heavy rain. (AP Photo/Eranga Jayawardena)

118 افراد لاپتہ‘لاکھوں افراد بے گھر ‘ دنیا بھر سے بشمول ہندوستان سری لنکاکو مدد پہنچ گئیں
کولمبو۔22مئی ( سیاست ڈاٹ کام ) بچاؤ کارکنوں نے مزید نعشیں زمین کھسکنے کے تباہ کن واقعات سے جمع ہوجانے والے کیچڑ کے ملبہ سے برآمد کی ہے ۔ اس طرح ہلاکتوں کی تعداد 80سے زیادہ ہوگئی جبکہ 118 افراد ہنوز لاپتہ ہیں ۔ سری لنکا میں گذشتہ 25سال میں پہلی بار زبردست ترین بارش کے نتیجہ میں زمین کھسکنے کے واقعات پیش آئے تھے ۔ دنیا بھر سے امداد بشمول ہندوستان سری لنکا پہنچنا شروع ہوگئی ہے ۔ لاکھوں افراد بے گھر ہوچکے ہیں ۔ زبردست بارش سے گذشتہ ہفتہ سری لنکا میں تباہی آئی تھی ۔ زمین کھسکنے کے واقعات سے مہلوکین 50فیٹ بلند کیچڑ میں زندہ دفن ہوگئے ۔ سری لنکا کی فوج نے اور بچاؤ کارکنوں نے کل رات دیر گئے بدترین متاثرہ علاقے کیگال سے مزید 13نعشیں برآمد کی ۔ آفات سماوی انتظامیہ مرکز کے بموجب زمین کھسکنے کے واقعات میں ہلاک ہونے والوں کی تعداد 84ہوگئی جبکہ 118 افراد ہنوز لاپتہ ہیں ۔ تقریباً تین لاکھ چالیس ہزار افراد پورے ملک میں سیلاب اور زمین کھسکنے کے واقعات کی وجہ سے بے گھر ہوگئے ہیں ۔ ہلاکتوں کی تعداد میں اضافہ کا اندیشہ ہے ۔ کیونکہ بچاؤ ٹیمیں ہنوز بدترین متاثرہ چند علاقوں تک رسائی حاصل نہیں کرسکیں ۔

قومی آفات سماوی انتظامیہ مرکز کے بموجب سری لنکا کے 25 اضلاع میں سے 21 سیلاب اور زمین کھسکنے سے بدترین متاثرہ علاقے ہیں ۔ فوج کے بموجب لاپتہ افراد کی تلاش جاری ہے ۔ 43 نعشیں ملبہ سے تاحال برآمد کی جاچکی ہیں ۔ آج صبح سورج نظر نہیں آیا اس کے باوجود بچاؤ کارروائی جاری رہی ‘ تاہم اس میں کافی مشکلات پیدا ہوئیں ۔ میجر جنرل سدانتا رانا سنگھے نے کہا کہ سیلاب کا پانی دارالحکومت کولبو میں اور جنوبی صوبہ کے علاقہ کیلانیا اور پڈویلا علاقوں میں اترنا شروع ہوگیا ہے ۔ بین الاقوامی امداد کل سے ہی سری لنکا پہنچنا شروع ہوگئی جس کی وجہ سے بے گھر ہوجانے والے لاکھوں افراد کی مدد ہوئی ۔ کئی ممالک بشمول ہندوستان ‘ پاکستان ‘ آسٹریلیا اور جاپان بلانکٹس ‘ پانی صاف کرنے کی گولیاں اور پینے کا پانی سربراہ کررہے ہیں ۔ ہندوستانی فضائیہ کے طیارے اور بحریہ کے دو جہاز ہنگامی بنیادوں پر سامان کے ساتھ کولمبو پہنچ گئے ۔ سری لنکا کی فوج نے فضاء سے غذا اور پانی کے پیاکٹس متاثرہ علاقوں میں گرائے ۔ اقوام متحدہ نے سری لنکا کی مدد کا تیقن دیا ہے ۔ صدر امریکہ نے بھی ایساہی تیقن دیا ہے ۔ سری لنکا کی پولیس نے 16لٹیروں کو گرفتار کرلیا ہے جو لوٹ مار کے ارادہ سے سیلاب سے متاثرہ علاقوں میں داخل  ہوئے تھے ۔

TOPPOPULARRECENT