Friday , December 15 2017
Home / کھیل کی خبریں / سری لنکا کی افغانستان کے خلاف6 وکٹ سے کامیابی

سری لنکا کی افغانستان کے خلاف6 وکٹ سے کامیابی

Sri Lanka's Tillakaratne Dilshan hits the ball during their match against Afghanistan at the ICC World Twenty20 2016 cricket tournament in Kolkata, India, Thursday, March 17, 2016. (AP Photo/ Bikas Das)

کولکتہ۔ /17 مارچ (سیاست ڈاٹ کام)اوپننگ بیاٹسمین تلک رتنے دلشان کے شاندار 83 ناٹ آوٹ کی بدولت سری لنکا نے ورلڈ ٹی 20 گروپ I کے میچ میں افغانستان کو 6 وکٹس سے ہرادیا ۔ دلشان نے 56 گیندوں میں 3 چھکے اور 4 چوکے لگائے ۔ انہوں نے افغانستان کے 153/7 کے جواب میں کامیابی کیلئے درکار نشانے کو بآسانی پورا کرنے میں مدد کی اور ٹیم نے 155/4 رنز 18.5 اوورس میں بنالئے ۔ اس سے پہلے افغانستان کے کپتان اصغر استانکزئی نے 47 گیندوں میں 62 رنز بنائے اور 5 ویں وکٹ کی رفاقت میں انہوں نے سمیع اللہ شین واری کے ساتھ 5.3 اوورس میں 61 رنز جوڑے ۔ سمیع اللہ نے صرف 14 گیندوں میں 31 رنز بنائے ۔ فاسٹ بولر پریرا نے 33 رنز کے عوض 3 وکٹ لئے جبکہ اسپنر ہیرات نے 24 رنز دے کر 2 وکٹ حاصل کئے ۔ افغانستان نے مقررہ 20 اوورس میں 153/7 رنز بنائے تھے ۔ سری لنکا کے دلشان کو مین آف دی میچ قرار دیا گیا ۔ افغانستان کے بولرس میں محمد نوید نے 25 رنز کے عوض ایک وکٹ اور راشد خان نے 27 رنز کے عوض ایک وکٹ حاصل کی ۔

TOPPOPULARRECENT