Tuesday , September 25 2018
Home / ہندوستان / سر سنچالک آر ایس ایس موہن بھاگوت کا ٹویٹ فرضی

سر سنچالک آر ایس ایس موہن بھاگوت کا ٹویٹ فرضی

جے پور، یکم اپریل ( سیاست ڈاٹ کام) راشٹڑیہ سوئم سیوک سنگھ (آر ایس ایس) کے پرانت پرچارک منوہر شرن نے کہا کہ سرسنچالکموہن بھاگوت سوشل میڈیا کا استعمال نہیں کرتے ہیں اور ان کے نام سے کیا گیا مبینہ ٹوئٹ فرضی ہے ۔مسٹر شرن نے ایک بیان جاری کرکے کہا کہ آر ایس ایس کے سربراہ موہن بھاگوت کا ٹویٹر، فیس بک یا کسی اور سوشل میڈیا پر ان کا اکاؤنٹ ہی نہیں ہے . لہذا ٹویٹر پر ان عظیم شخصیات کی مورتیاں توڑنے کی ٹویٹس کا تو سوال ہی نہیں پیدا ہوتا۔ انہوں نے کہا کہ سوشل میڈیا پر ان کے نام کے تمام اکاؤنٹس جعلی ہیں۔انہوں نے پرزور الفاظ میں کہا کہ سرسنگھ چالک مسٹر بھاگوت کے نام سے مبینہ ٹوئٹ غلط اور بے بنیاد ہے اور ایسا ظاہر ہوتا ہے کہ سماج میں تفرقہ پھیلانے کے مقصد سے کچھ لوگ جان بوجھ کر ان کے نام سے ٹوئٹ یا دیگر سوشل میڈیا پر اکاؤنٹ بنا کر اکسانے والے پوسٹ کرتے ہیں جن سے مسٹر بھاگوت کا کوئی تعلق نہیں ہے ۔قابل ذکر ہے کہ پالی کے نریندر کمار نے سر سنگھ چالک کے خلاف جودھپور کی انسداد درج فہرست ذات و قبائل عدالت میں ایک مقدمہ دائر کیا ہے جس میں سر سنچالکبھاگوت کے نام سے مبینہ ٹوئٹ اکاؤنٹ میں عظیم لوگوں کی مورتیاں توڑنے کا الزام لگایا گیا ہے ۔

TOPPOPULARRECENT