Saturday , December 16 2017
Home / ہندوستان / سوامی ناتھن کمیشن کی سفارشات سے مودی حکومت کی بے التفائی

سوامی ناتھن کمیشن کی سفارشات سے مودی حکومت کی بے التفائی

دیوریا ، 4 اکٹوبر (سیاست ڈاٹ کام) عام آدمی پارٹی کے سابق لیڈر اور سوراج انڈیا کے صدر یوگیندر یادو نے الزام لگایا کہ سوامی ناتھن کمیشن کی سفارشات نافذ کرنے سے انکار کر کے مرکز کی مودی سرکار نے کسانوں کے ساتھ ناانصافی کی ہے ۔ یوگیندریادو نے کل شام یہاں صحافیوں سے کہا کہ حکومت نے عدالت میں ایک حلف نامہ داخل کرکے کہا ہے کہ کمیشن کی سفارشات نافذ کرنا ممکن نہیں ہے ۔ انہوں نے کہا کہ سوامی ناتھن کمیشن نے سفارش کی ہے کہ کسانوں کو ان کی پیداوار کی ڈیڑھ گنا قیمت ملے۔ ملک کے وزیر اعظم نریندر مودی نے انتخابات کے وقت ملک کے عوام سے وعدہ کیا تھا کہ کسانوں کے ساتھ انصاف ہوگا۔ انہوں نے کسانوں کو پیداوار کی پوری قیمت دینے اور انہیں سبھی طرح کے قرض سے چھٹکارا دلانے کا مطالبہ کیا۔کسانوں کے ان ہی سب مطالبات کیلئے بہار کے ضلع چمپار ن سے تیسرے مرحلہ کی ’کسان مکتی یاترا‘شروع کی گئی ہے۔ انہوں نے دعویٰ کیا ہے کہ پہلی بار ملک کے کسان اس تحریک سے بیدا ر ہورہے ہیں۔ یوگیندر یادو نے کہا کہ ملک کی 150کسان تنظیموں کو ملاکر آل انڈیا فارمر زایکشن کوارڈی نیشن کمیٹی بنائی گئی ہے۔ اس یاترا کی شروعات مدھیہ پردیش کے مندسور سے دہلی تک ہوئی۔تیسرے مرحلہ کی یاترا گجرولہ میں 11اکتوبر کو اختتام پذیر ہوگی۔

TOPPOPULARRECENT