Thursday , June 21 2018
Home / جرائم و حادثات / سڑک حادثات میں چار افراد بشمول دو خواتین ہلاک

سڑک حادثات میں چار افراد بشمول دو خواتین ہلاک

سڑک حادثات میں چار افراد بشمول دو خواتین ہلاک

سڑک حادثات میں چار افراد بشمول دو خواتین ہلاک
حیدرآباد /5 ڈسمبر ( سیاست نیوز ) ہمایوں نگر مادھاپور اور رام گوپال پیٹ پولیس حدود میں پیش آئے سڑک حادثات میں 4 افراد بشمول دو خواتین ہلاک ہوگئے ۔ ہمایوں نگر پولیس کے مطابق 28 سالہ محمد عارف جو پیشہ سے خانگی ملازم تھا ۔ سلیمان نگر چنتل پیٹ کے ساکن محمد ابراہیم کا بیٹا تھا ۔ 3 ڈسمبر کے دن وہ مانصاحب ٹینک کے علاقہ میں پیش آئے سڑک حادثہ میں فلائی اوور سے گرکر شدید زخمی ہوگیا تھا ۔ جس کی کل رات ہاسپٹل میں علاج کے دوران موت ہوگئی ۔ مادھاپور پولیس کے مطابق 19 سالہ کے پی دیپکا جو یوسف گوڑہ کے ساکن مہانتا کی بیٹی تھی ۔ بی فارمیسی کی طالبہ بتائی گئی ہے ۔ وہ اپنے ساتھی کے ساتھ کل شام موٹر سائیکل پر جارہی تھی کہ مخالف سمت سے آنے والی ایک اور موٹر سائیکل سے ٹکرا گئی ۔ دپیکا اور اس کا ساتھی اس حادثہ میں شدید زخمی ہوگئے ۔ جس کی کل رات علاج کے دوران موت ہوگئی ۔ نکلس روڈ پر آج صبح کے اوقات میں پیش آئے خوفناک سڑک حادثہ میں ایک جاروب کش اور ایک موٹر سائیکل راں دونوں ہلاک ہوگئے ۔ رام گوپال پیٹ پولیس کے مطابق 19 سال کی وی ایس ہریش جو بی ٹیک سال اول کا طالب علم جو بوئن پلی کا ساکن تھا ۔ اپنی موٹر سائیکل پر نکلس روڈ سے گذر رہا تھا کہ 65 سالہ ضعیف خاتون کے انوسیا جو بلدیہ کی کنٹراکٹ جاروب کش تھی ۔ این بی ٹی نگر پاٹی گڈہ کے ساکن ستی ریڈی کی بیوی بتائی گئی ہے ۔ ہریش نے پہلے اس ضعیف خاتون کو ٹکر دی جس کے بعد اس اس کی موٹر سائیکل بے قابو ہوکر روڈ ڈیوائڈر سے ٹکرا گئی ۔ اس حادثہ میں انوسیا اور ہریش دونوں برسر موقع ہلاک ہوگئے ۔ پولیس نے مقدمہ درج کرلیا ہے اور مصروف تحقیقات ہے ۔

TOPPOPULARRECENT