Friday , December 15 2017
Home / دنیا / شام میں فضائی حملہ، 14ہلاک

شام میں فضائی حملہ، 14ہلاک

بیروت، 24 اکٹوبر (سیاست ڈاٹ کام) شام میں حکومت کے کنٹرول والے دیر الزور شہر کے ضلع قصور میں فضائی حملے میں 14 شہری ہلاک ہو گئے ۔ یہ طلاع شامی سرکاری ٹیلی ویژن اور جنگ کے نگراں نے دی۔ سرکاری ٹیلی ویژن کے مطابق آئی ایس کے دہشت گردوں سے مقابلہ کرنے والے امریکہ کی قیادت والی بین الاقوامی فوج کے جیٹ طیاروں کے فضائی حملے میں 14 شہری ہلاک اور 32 دیگر زخمی ہوگئے ۔ ادھر، اتحادی افواج کی جانب سے منگل کو جاری بیان میں کہا گیا کہ ان کی جانب سے ایسا کوئی حملہ نہیں کیا گیا ہے ۔ اتحادی فوج کا کہنا ہے کہ ان پر آخری حملہ ستمبر میں کیا گیا تھا۔جنگ کے نگران برطانیہ میں واقع سیرین آبزویٹري فار ہیومن رائٹس نے کہا ہے کہ اسے یہ تو نہیں معلوم کہ حملہ کرنے والے لڑاکا طیاریکس تھے ، لیکن اس حملے میں کم از کم 22 افراد ہلاک ہوگئے ۔ شامی فوج روس، ایران اور شیعہ ملیشیا کی مدد سے دیرالزور شہر اور دیگر حصوں میں لڑائی کر رہی ہے ۔ شام اور روسی جہاز اس علاقے میں آئی ایس پر بمباری کر رہے ہیں۔امریکی قیادت والی اتحادی افواج کردوں اور عرب ملیشیا کے اتحاد سیرین ڈیموکریٹک فورسز (ایس ڈي ایف ) کی مدد سے یوفریٹس بھر میں الزور کے مشرق میں حملے کرتی آئی ہے ۔

TOPPOPULARRECENT