Thursday , November 15 2018
Home / Top Stories / شام میں 30سے زائد بچوں کی ہلاکتیں اور دنیا خاموش تماشائی

شام میں 30سے زائد بچوں کی ہلاکتیں اور دنیا خاموش تماشائی

نئے سال میں والدین بچوں کے مستقبل کا خواب
نہیں دیکھ رہے بلکہ اموات سے سوگوار
اسکولس اور طبی ادارے بند
لوگ زیرزمین بنکروں میں پناہ لینے پر مجبور

اقوام متحدہ، 16 جنوری (سیاست ڈاٹ کام)2018 کے پہلے ہفتہ میں شام کے مشرقی غوطہ میں ہوئے تشدد میں 30 سے زائد بچوں کی موت ہو گئی۔ ایک رپورٹ کے مطابق یہاں 2013 سے اب تک دو لاکھ بچے تشدد زدہ علاقے میں پھنسے ہوئے ہیں۔مغربی ایشیائی ممالک کے اقوام متحدہ بین الاقوامی چائلڈ فنڈ کے افسر نے یہ اطلاع دی۔شام میں یونیسیف کے نمائندہ فرائن اکویزا نے اپنے بیان میں کہاکہ نئے سال کے موقع پر زیادہ تر والدین اپنے بچوں کے مستقبل کے خواب دیکھتے ہیں ، ایسے وقت میں شام میں والدین اپنے بچوں کی موت کے سوگ میں ڈوبے ہوئے ہیں۔انہوں نے کہاکہ یہ انتہائی شرمناک ہے کہ لڑائی کے تقریبا سات سال بعد بھی بچے جنگ میں جانیں گنوا رہے ہیں اور پوری دنیا خاموش تماشائی بنی اسے دیکھ رہی ہے ۔ شام میں اور پڑوسی ممالک میں لاکھوں بچے تشدد جھیل رہے ہیں”۔یونیسیف کو مشرقی غوطہ سے اطلاع ملی ہے کہ لوگ اپنی جانیں بچانے کے لئے زیر زمین بنکروں میں پناہ لینے پر مجبور ہورہے ہیں۔ انہوں نے بتایا کہ گزشتہ دنوں ہوئے تشدد کے دوران مشرقی غوطہ کے دو طبی مراکز پر حملہ ہوا۔ تشدد کی وجہ سے یہاں زیادہ تر طبی مراکز بند پڑے ہیں۔ مشرقی غوطہ اور اس کے ارد گرد کے علاقوں میں اسکولوں کو بھی بند کر دیا گیا ہے جبکہ شام میں دیگر حصوں کے اسکولوں کے بچے ششماہی امتحان دے رہے ہیں۔ انہوں نے کہاکہ ہمیں شام میں ضرورتمند بچوں کو فوری طور پر بغیر کسی روک ٹوک کے انسانی امداد پہچانی ہوگی۔ جنگ میں شامل متحارب گروپ ایسا کر سکتے ہیں اگر وہ حقوق انسانی کے کارکنوں کو یہاں بچوں کی زندگیاں بچانے کی اجازت دیں۔

Top Stories

TOPPOPULARRECENT