Saturday , November 25 2017
Home / Top Stories / شردیادو کو خواتین کمیشن کا نوٹس

شردیادو کو خواتین کمیشن کا نوٹس

نئی دہلی: قومی خواتین کمیشن نے جنتا دل یونائٹیڈ( جے ڈی یو) کے سینئر لیڈر اور راجیہ سبھا رکن شردیادو کو بیٹیوں کے بارے میں قابلِ اعتراض تبصرے کے لئے آج نوٹس جاری کیا۔

کمیشن کے ذرائع کے مطابق مسٹر یادو نے کل ایک جلسہ عام میں بیٹی اور ووٹ کا موزانہ کرتے ہوئے نازیبا تبصر کیا جس پر متعدد لوگوں نے اعتراض کیا ۔

مسٹر یادونے کہاہے کہ ’’ ووٹ کی عزت بیٹیو ں کی عزت سے بھی اہم ہے ۔ اگر بیٹی کی عزت سے معاہدہ کیاجاتا ہے تو گاؤں او رکمیونٹی متاثر ہوتی ہے لیکن اگر ووٹ کی عزت سے سمجھوتا کیاجاتا ہے تو پوری قوم پر اثر پڑیگا‘‘۔

تاہم بعد میں انہوں نے صفائی دیتے ہوئے کہاکہ ’’ میں نے بلکل غلط نہیں کہا‘ جیسے بیٹی سے محبت کرتے ہیں ویسے ووٹ سے بھی کرنا چاہئے۔ تبھی ملک اور حکومت بہترین بنے گی۔

ووٹ اور بیٹی کے تئیں محبت ایک ہونی چاہئے‘‘۔شردیادو کے اس تبصرے پر متعدد لوگوں بشمول سیاسی قائدین نے کڑا اعتراض جتایا ۔

اسی ضمن میں قومی کمیشن برائے خواتین نے نوٹس جار ی کرتے ہوئے شردیادو سے وضاحت طلب کی ہے۔

TOPPOPULARRECENT