Thursday , December 14 2017
Home / Top Stories / شہر اور اضلاع میں گرمی برقرار آئندہ ماہ معمول سے زیادہ بارش کی پیش قیاسی

شہر اور اضلاع میں گرمی برقرار آئندہ ماہ معمول سے زیادہ بارش کی پیش قیاسی

حیدرآباد ۔ 22 ۔ اگست : ( سیاست نیوز) : جاریہ ماہ بارش بہت ہوئی ہے اور ماہ کے ختم تک بھی بارش کے آثار نہیں ہیں ۔ دفتر موسمیات کے بموجب ختم اگست تک موسم خشک رہے گا حالانکہ پہلے یہ پیش قیاسی کی گئی تھی کہ اس عرصہ میں بارش ہوگی ۔ اسکائی میٹ نے قبل ازیں حسب معمول بارش ہونے کی پیش قیاسی کی تھی ۔ بعد میں اس پر نظر ثانی کی گئی ۔ پہلے یہ کہا گیا تھا کہ 1.9 فیصد بارش ہوگی ۔ 17 اگست کو ختم ہوئے ہفتہ کے دوران تلنگانہ کے تمام اضلاع میں ناکافی بارش ہوئی اور اعظم ترین درجہ حرارت معمول سے زیادہ ہے ۔ کل حیدرآباد شہر میں درجہ حرارت 35 اعشاریہ ایک ڈگری سیلسیس ریکارڈ کیا گیا ۔ جو معمول سے 5 ڈگری زیادہ ہے ۔ ریاست کے دوسرے مقامات پر بھی درجہ حرارت 35 ڈگری سے زیادہ ہے ۔ دفتر موسمیات نے ختم ماہ تک موسم خشک رہنے کی پیش قیاسی کی ہے ۔ ستمبر کے پہلے ہفتہ میں ہلکی بارش ہونے کا امکان ہے ۔ آئندہ ہفتہ کے دوران اعظم ترین درجہ حرارت معمول سے زیادہ رہنے کی پیش قیاسی کی گئی ہے ۔ اسکائی میٹ نے ستمبر میں معمول سے زیادہ بارش ہونے کا امکان ظاہر کیا ہے اس طرح اگست میں ناکافی بارش کی ستمبر میں زائد بارش سے تلافی ہوگی ۔ ماہ اگست تقریبا خشک رہا ۔۔

TOPPOPULARRECENT