Saturday , June 23 2018
Home / شہر کی خبریں / صدر جمہوریہ سے ہریتاہارم کے افتتاح کی درخواست

صدر جمہوریہ سے ہریتاہارم کے افتتاح کی درخواست

پرنب مکھرجی کو چیف منسٹر تلنگانہ کے چندر شیکھر راؤ کا مکتوب

پرنب مکھرجی کو چیف منسٹر تلنگانہ کے چندر شیکھر راؤ کا مکتوب
حیدرآباد ۔ 23 ۔ جون : ( پی ٹی آئی ) : چیف منسٹر تلنگانہ مسٹر کے چندر شیکھر راؤ نے آج صدر جمہوریہ پرنب مکھرجی سے خواہش کی کہ وہ 3 جولائی کو نلگنڈہ ضلع کے یادگیر گٹہ میں عوامی بھلائی کے پروگرام ہریتا ہارم کا افتتاح انجام دیں ۔ صدر جمہوریہ کے نام ایک مکتوب روانہ کرتے ہوئے چندر شیکھر راؤ نے صدر جمہوریہ سے اس پروگرام کے افتتاح کی خواہش کی ۔ چیف منسٹر نے کہا کہ اگر صدرجمہوریہ شرکت کرتے ہیں تو اس پروگرام کو مزید اہمیت حاصل ہوجائے گی ۔ یہ دراصل ریاست کو سرسبز و شاداب بنانے کے لیے شجرکاری پر مبنی ہے ۔ انہوں نے کہا کہ صدر جمہوریہ اس کا افتتاح کریں تو سماج کے تمام طبقات اس پروگرام میں جذبہ کے ساتھ حصہ لیں گے ۔ چندر شیکھر راؤ نے اپنے مکتوب میں کہا کہ حکومت نے ریاست میں سرسبز و شاداب علاقہ کو بڑھانے اور درخت اگانے کے مقصد سے یہ بڑا پروگرام شروع کیا ہے ۔ حکومت چاہتی ہے کہ اس پروگرام کے ذریعے ماحولیاتی توازن قائم رکھا جائے ۔ حکومت اس پروگرام کے ذریعے آئندہ تین برسوں میں 230 کروڑ پودے لگانا چاہتی ہے ۔ جاریہ سال حکومت نے 39.60 کروڑ پودے تیار کئے ہیں اور جولائی کے پہلے ہفتے سے ان کی شجرکاری کا سلسلہ شروع ہوجائے گا ۔ اس پروگرام کا مقصد ریاست میں جنگلاتی علاقہ کو وسعت دینا ہے ۔

TOPPOPULARRECENT