Thursday , September 20 2018
Home / شہر کی خبریں / صدر کل ہند کانگریس کی پنڈت جواہر لال نہرو کی یوم پیدائش تقاریب

صدر کل ہند کانگریس کی پنڈت جواہر لال نہرو کی یوم پیدائش تقاریب

17 اور 18 نومبر کو دہلی میں مقرر، سرکردہ شخصیتوں کی شرکت

17 اور 18 نومبر کو دہلی میں مقرر، سرکردہ شخصیتوں کی شرکت
حیدرآباد ۔ 15 نومبر (سیاست نیوز) صدر کانگریس مسز سونیا گاندھی نے ملک کے پہلے وزیراعظم پنڈت جواہر لعل نہرو کے 125 ویں یوم پیدائش کے موقع پر 17 اور 18 نومبر کو دہلی میں عالمی کانفرنس کا اہتمام کیا۔ راہول گاندھی کی قیادت میں تشکیل دی گئی 9 رکنی کمیٹی میں حیدرآباد کی نمائندگی کرنے والے کانگریس کے رکن راجیہ سبھا مسٹر ایم اے خان کو بھی شامل کیا گیا ہے۔ مسٹر ایم اے خان نے کہا کہ اس کانفرنس میں کئی ممالک کے سابق صدور اور سابق وزرائے اعظم کے علاوہ کئی قائدین اور ماہرین اس کانفرنس میں شرکت کریں گے۔ یہ کانفرنس 21 ویں صدی کے مستقبل کیلئے نہرو کی پالیسیوں کا آئینہ دار ثابت ہوگی۔ 17 نومبر کو کانفرنس کا افتتاح ہوگا اور 18 نومبر کو اختتام ہوگا۔ صدر کانگریس مسز سونیا گاندھی نے 9 رکنی ہندوستانی وفد کو نامزد کیا ہے جس کی قیادت رکن پارلیمنٹ راہول گاندھی کریں گے۔

TOPPOPULARRECENT