Monday , November 20 2017
Home / اضلاع کی خبریں / ضلع محبوب نگر کے اردو میڈیم اساتذہ کو انجمن تحریک برائے ترقی اردو کی جانب سے اعزازات

ضلع محبوب نگر کے اردو میڈیم اساتذہ کو انجمن تحریک برائے ترقی اردو کی جانب سے اعزازات

محبوب نگر یکم / ستمبر ( ذریعہ فیاکس ) اردو میڈیم اساتذہ کی ہمت افضائی اور ان کی خدمات کو صحیح معنوں میں خراج تحسین پیش کرنے کی غرض سے انجمن تحریک برائے ترقی اردو کی جانب سے 5 ستمبر کو یوم اساتذہ کے موقع پر مختلف زمرات میں ضلع بھر 20 اردو میڈیم اساتذہ کو اعزازات سے نوازنے کو فیصلہ کیا گیا ہے ۔ انجمن کی جانب سے منعقدہ ایک خصوصی نشست جس کی صدارت سرپرست انجمن جناب غلام غوث موظف لکچرر نے کی اور محمد تقی ، محمد مکرم علی متین ، محمد مصباح الدین ، محمد سعد اللہ خان ، محمد عبدالواحد وغیرہ نے شرکت کی ۔ یہ فیصلہ لیا گیا ۔ یوم اساتذہ کے دن ایک تقریب منعقد کی جائے گی ۔ جس میں اراکین اسمبلی رکن پارلیمنٹ وغیرہ بطور مہمان خصوصی شرکت کریں گے ۔ اساتذہ کے انتخاب کیلئے ایک اسکریننگ کمیٹی جو اساتذہ کی درخواستوں کی جانچ کرتے ہوئے اعزازات کیلئے انتخاب کرے گی ۔ اساتذہ سے خواہش کیجاتی ہے کہ اندرون دو یوم اپنی درخواستیں انجمن کے دفتر واقع دارالمطالعہ مسدوسی متصل گول مسجد صبح دس بجے تا شام پانچ بجے داخل کریں ۔

TOPPOPULARRECENT