Saturday , October 20 2018
Home / Top Stories / عالمی یوم القدس :اسرائیلی فوج کی کارروائی ، 4فلسطینی ہلاک

عالمی یوم القدس :اسرائیلی فوج کی کارروائی ، 4فلسطینی ہلاک

RAFAH, JUNE 9 :- Relatives of Palestinian Haytham Al-Jamal, 15, who was killed by Israeli troops during protests at the Israel-Gaza border, mourn during his funeral in Rafah in the southern Gaza Strip June 9, 2018. REUTERS-25R

غزہ9جون(سیاست ڈاٹ کام )اسرائیلی فوجیوں کی مظاہرہ کرنے والوں پر بے دریغ فائرنگ کا سلسلہ جاری ہے جس میں لوگ ہلاک بھی ہوئے ہیں اور کثیر تعداد میں زخمی بھی۔عالمی یوم القدس پر اسرائیلی فوج نے وحشیانہ کارروائی کرتے ہوئے غزہ کی سرحد پر جمع مظاہرین پر براہ راست فائرنگ کرکے 4 فلسطینی نوجوان کو ہلاک اور 600 سے زائد کو زخمی کردیا۔فلسطینی وزارت صحت کے مطابق حق واپسی تحریک کے تحت 30 مارچ سے شروع ہونے والے ہفت وار گرینڈ مارچ کا سلسلہ جمعہ کے روز بھی برقرار رہا جس میں ہزاروں افراد نے شرکت کی، مظاہرین میں نوجوانوں کی بڑی تعداد کے ساتھ ساتھ خواتین اور کم عمر لڑکے بھی شامل تھے۔مظاہرین نے غزہ کی سرحد پر ٹائروں کو نذر آتش کیا اور اسرائیلی فوج پر پتھراؤ کیا جبکہ صیہونی فوج نے سختی کے موقف کو برقرار رکھتے ہوئے نہتے فلسطینیوں پر براہ راست گولیاں چلائیں۔ اسرائیلی نشانہ باز اہل کاروں نے نوجوانوں کو نشانہ بناتے ہوئے 4 فلسطینیوں کو شہید جبکہ درجنوں کو زخمی کردیا۔وزارت صحت کا کہنا ہے کہ صبح سے جاری احتجاج کے دوران اسرائیلی فوج کی فائرنگ اور آنسو گیس کی شیلنگ سے 600 سے زائد افراد زخمی ہوئے جن میں خواتین اور کم عمر لڑکے بھی شامل ہیں۔ اسرائیلی فوج کی جانب سے فائرکیا گیا آنسو گیس کا ایک شیل فلسطینی نوجوان کے منہ میں گیا جس سے وہ بری طرح زخمی ہوگیا اور اسے فوری طور پر اسپتال منتقل کردیا گیا۔واضح رہے کہ 30 مارچ سے جاری احتجاجی تحریک میں صیہونی فوج کے ہاتھوں شہید ہونے والے فلسطینیوں کی تعداد 125 سے تجاوز کرچکی ہے جب کہ ہزاروں زخمی ہوئے ہیں۔

TOPPOPULARRECENT