Tuesday , December 18 2018

عام آدمی پارٹی کارکنوں کے پُرتشدد رویہ پر کجریوال کی معذرت خواہی

بھج (گجرات) 6 مارچ (سیاست ڈاٹ کام) عام آدمی پارٹی قائد اروند کجریوال نے آج اُن کے پارٹی کارکنوں کے دہلی اور لکھنو میں رویہ پر معذرت خواہی کی جس کا اُنھوں نے احتجاج اور حراست میں لئے جانے کے موقع پر مظاہرہ کیا۔ اُنھوں نے کہاکہ پارٹی کارکنوں کو عدم تشدد پر قائم رہنا چاہئے تھا۔ اُنھوں نے کہاکہ ایسا ہونا ہی تھا۔ اُن میں سے بعض افراد نے ح

بھج (گجرات) 6 مارچ (سیاست ڈاٹ کام) عام آدمی پارٹی قائد اروند کجریوال نے آج اُن کے پارٹی کارکنوں کے دہلی اور لکھنو میں رویہ پر معذرت خواہی کی جس کا اُنھوں نے احتجاج اور حراست میں لئے جانے کے موقع پر مظاہرہ کیا۔ اُنھوں نے کہاکہ پارٹی کارکنوں کو عدم تشدد پر قائم رہنا چاہئے تھا۔ اُنھوں نے کہاکہ ایسا ہونا ہی تھا۔ اُن میں سے بعض افراد نے حملہ کرنے پر جوابی کارروائی کی۔ تاہم وہ اُن کے رویہ کے لئے معذرت خواہ ہیں اور اُن پر دوبارہ زور دیتے ہیں کہ ہمیشہ عدم تشدد پر قائم رہیں۔ وہ دہلی میں 12 سے زیادہ عام آدمی پارٹی کارکنوں کی گرفتاری پر ردعمل ظاہر کررہے تھے۔ لکھنو میں بھی عام آدمی پارٹی کارکنوں نے جھاڑوؤں کے ساتھ احتجاجی مظاہرہ کیا تھا۔ لاٹھیوں سے حملہ کرنے والے بی جے پی کارکنوں سے اُن کی جھڑپ ہوگئی تھی۔ کجریوال کا آج دورۂ گجرات کا دوسرا دن تھا۔ وہ ریاست میں سکونت اختیار کرنے والے ضلع کچھ کے سکھ کاشتکاروں سے آج ملاقات کرنے والے ہیں۔

کجریوال کی کار پر حملہ کی شکایت درج
بھاچاؤ (کچھ) 6 مارچ (سیاست ڈاٹ کام) کچھ پولیس نے آج فساد بھڑکانے کا 40 تا 50 افراد کے ایک ہجوم پر الزام عائد کرتے ہوئے ایک مقدمہ درج کرلیا۔ اِس ہجوم نے مبینہ طور پر عام آدمی پارٹی قائد اروند کجریوال کے قافلہ کو کل شام روک کر اُن کی کار پر حملہ کردیا تھا۔ یہ واقعہ ضلع کچھ کے تعلقہ بھاچاؤ کے دیہات خروہی میں پیش آیا تھا۔ مقامی کرائم برانچ کے ای ایس آئی جے ایس سولنکی نے فساد بھڑکانے اور خانگی جائیداد کو نقصان پہنچانے کا ایک ہجوم کے خلاف مقدمہ درج کرلیا ہے۔ اُنھوں نے کہاکہ 40 تا 50 نامعلوم افراد خروہی کے چوراہوں پر جمع ہوگئے تھے اور نعرہ بازی کررہے تھے۔ بعدازاں اُن میں سے ایک نے کار پر حملہ کیا اور کوئی شئے استعمال کرتے ہوئے اُس کا ونڈ شیلڈ توڑ دیا۔ تاہم شکایت میں کسی کا بھی نام درج نہیں ہے نہ بی جے پی کا اور نہ کجریوال کا۔ عام آدمی پارٹی قائد اور اُن کی ٹیم کے ارکان گجرات کی ترقی کے حقائق سے واقفیت حاصل کرنے کے دورہ پر ہیں۔

Top Stories

TOPPOPULARRECENT