Sunday , December 17 2017
Home / Top Stories / عید سے راجناتھ کو کشمیر میں امن کی امید

عید سے راجناتھ کو کشمیر میں امن کی امید

نئی دہلی:عید کی مبارکبا د پیش کرتے ہوئے وزیر داخلہ راجناتھ سنگھ نے آج کہاکہ مذکورہ تہوار وادی میں امن اور خوشی لائے گا۔وادی کی عوام کو پچھلے ایک سال سے کشیدہ ماحول میں زندگی گذار رہی ہے کے لئے جاری کردہ ویڈیو پیغام میں سنگھ تمام کشمیری بھائی ‘ بہنوں ‘ نوجوانوں ‘ معمرافرا د او ربچوں کو دل کی گہرائیوں سے مبارکباد پیش کی۔

انہوں نے کہاکہ ’’ مجھے پورا یقین ہے کہ یہ تہوار جو انسانیت او رخوشی کا ہے وادی میں بھائی چارہ‘ خوشی اور ایک دوسرے کو سمجھنے کے ساتھ امن قائم کرنے میں مددگار ثابت ہوگااورہمیں نئی راہ ملے گی‘‘۔حزب المجاہدین کے دہشت گرد برہان وانی کے جولائی 8کو انکاونٹر میں ہلاکت کے بعد وادی میں سلسلہ وار تشدد کے واقعات شروع ہوئے۔ سری نگر کی لوک سبھا نشست پر9اپریل کو ہوئے ضمنی الیکشن کے دوران بھی بڑا پیمانے پر تشدد برپا ہوا۔

اپریل کے بعد سے دہشت گردوں نے کئی سیکورٹی افیسروں کو مارڈالا جن میں ڈی ایس پی ایوب کی موت کاو اقعہ بھی شامل ہے تین دن قبل جس کو سری نگر کی جمعہ مسجد کے باہر ڈیوٹی کے دوران ہجوم نے بری طرح پیٹ کرہلاک کردیاتھا۔

ہوم منسٹر نے اپنے ایک دوسرے پیغام میں ساری ملک کو بھی عید کی مبارکباد پیش کی۔انہوں نے اپنے ٹوئٹ میں کہاکہ’’ عیدالفطر کے موقع پر میں عوام کو مبارکباد پیش کرتا ہوں‘یہ تہوار سوسائٹی میں امن کو مستحکم کرے‘۔

ایک دوسرے ٹوئٹ میں سنگھ نے بھگوان جگناتھ کی رتھ یاترا کے موقع پر بھی عوا م کو مبارکباد پیش کی۔

 

TOPPOPULARRECENT