غریبوں کو کارپوریٹ طرز کے علاج کی فراہمی حکومت کی اہم ترجیح

تماجی پیٹ‘ ضلع محبوب نگر میں آیوش کے ہیلت کیمپ کا آغاز‘ ڈاکٹر لکشما ریڈی کا خطاب
حیدرآباد ۔ 4فبروری ( این ایس ایس ) وزیر صحت ڈاکٹر سی لکشما ریڈی نے آج کہا کہ مشن آیوش دیسی علاج ہے ۔ انہوں نے ضلع محبوب نگر میں تماجی پیٹ میں آیوش کے ایک ہیلت کیمپ کا آغاز کیا ۔ اس موقع پر مخاطب کرتے ہوئے انہوں نے کہا کہ حکومت غریبوں کو کارپوریٹ سطح کی طبی خدمات اور علاج ومعالجہ کی سہولتیں فراہم کرنے کو اہم ترجیح دے رہی ہے ۔ چیف منسٹر کے چندر شیکھر راؤ سرکاری دواخانوں کو عصری بنانے کیلئے خاطر خواہ فنڈس کی پیشکش کررہے ہیں تاکہ بہتر طبی خدمات فراہم کی جائیں ۔ انہوں نے کہا کہ عام آدمی کو بہتر طبی خدمات کی فراہمی پر پورا ملک ریاست تلنگانہ کی طرف دیکھ رہا ہے ۔ وزیر صحت نے کہا کہ ہماری ریاست نے ایک صحتمند تلنگانہ بنتے ہوئے ایک ریکارڈ قائم کیا ہے ۔ انہوں نے کہا کہ بہتر طبی سہولتوں کی فراہمی اور کے سی آر کٹس کے ساتھ عوام سرکاری دواخانوں پر بھروسہ کررہے ہیں اور ان سے استفادہ کررہے ہیں ۔

TOPPOPULARRECENT