Tuesday , May 22 2018
Home / ہندوستان / فرانس :سیکس کیلئے رضامندی کی قانونی عمرصرف 15 سال

فرانس :سیکس کیلئے رضامندی کی قانونی عمرصرف 15 سال

پیرس۔ 7 مارچ (سیاست ڈاٹ کام)فرانس میں سیکس کیلئے رضامندی کی قانونی عمر 15 سال مقرر کی جا رہی ہے جبکہ اس سے کم عمر کے بچوں کیساتھ سیکس ریپ تصور کیا جائے گا۔فرانس میں مساوات کی وزیر مارلین سچیاپا نے اس اقدام کو سراہا ہے جس کیلئے ڈاکٹروں اور قانونی ماہرین سے مشاورت کی گئی تھی۔اب تک پراسیکیوٹرز کو 15 سال سے کم عمر کیساتھ سیکس کیلئے ریپ کی دفعات لگانے کیلئے اسے جبری سیکس ثابت کرنا پڑتا تھا۔یہ قانونی تبدیلیاں حالیہ دو واقعات کے بعد کی گئی جن میں دو آدمیوں پر 11 سالہ بچیوں کیساتھ سیکس کے الزامات عائد کیے گئے ۔فرانس میں حالیہ قانون سازی کے تحت اگر سیکس کے دوران کسی قسم کا جبر یا زور زبردستی ثابت نہ ہو تو ملزم کو جنسی استحصال کے تحت سزا ہوتی تھی نہ کے ریپ کے الزامات کے تحت۔اس کی سزا کم از کم پانچ سال قید اور 75000 یورو تک جرمانہ ہے ۔بچوں اور بالغوں پر جنسی حملے کی سزا برابر ہے لیکن ریپ کی صورت میں زیادہ سخت سزائیں ہیں۔حکومت آئندہ ہفتے میں عمر کی اس حد نئی حد کی جنسی تشدد کے دیگر قوانین کے ہمراہ منظوری دے گی۔ابھی اس بات پر بحث جاری ہے کہ آیا اس حد کو 13 سال کردیا جائے یا 15 رکھا جائے ۔فرانس کی وزیر مارلین سچیاپا نے میڈیا کو بتایا انہیں بہت خوشی ہوئی ہے زیادہ عمر چنی گئی ہے ۔ اس حد کی فرانس کے صدر نے بھی حمایت کی ہے ۔فرانس میں یکجہتی اور صحت کے وزیر اگنس بزین کا کہنا تھا اس حد مقرر کیے جانے سے اجتماعی شعور پیدا ہوگا اور سب کو دیکھنا ہوگا کہ کیا قانونی ہے اور کیا غیر قانونی۔ ‘یورپ کے مختلف ممالک میں سیکس کیلئے رضا مندی کی عمر کی حد الگ الگ ہے :آسٹریا، جرمنی، ہنگری، اٹلی اور پرتگال میں یہ حد 14 سال ہے ۔یونان، پولینڈ اور سویڈن میں 15 سال،بیلجیئم ، نیدر لینڈز، اسپین اور روس میں 16 سال،قبرص میں 17 سال۔برطانیہ میں یہ حد 16 سال ہے لیکن 13سال سے کم عمر کے بچوں کو اضافی قانونی تحفظ حاصل ہوتا ہے جو یہ واضح کرتا ہے کہ وہ کبھی بھی جنسی عمل کیلئے رضا مندی نہیں دے سکتے ۔

TOPPOPULARRECENT