Friday , April 20 2018
Home / جرائم و حادثات / فیس کی ادائیگی میں تاخیر پر کمسن طالبہ علم کو ٹیچر کی بے رحمی سے مارپیٹ

فیس کی ادائیگی میں تاخیر پر کمسن طالبہ علم کو ٹیچر کی بے رحمی سے مارپیٹ

حیدرآباد /10 اپریل ( سیاست نیوز ) کمسن طالب علم کو بے رحمی سے زدوکوب کرنے کا واقعہ طول اختیار کرگیا ہے ۔ یاد رہے کہ میرپیٹ علاقہ کے کرشنا وینی اسکول میں 4 سالہ طالب علم کو اسکول ٹیچر نے بری طرح مارپیٹ کرتے ہوئے شدید زدوکوب کیا ۔ اس بچہ کی حالت دیکھ کر دیگر اولیائے طلبہ اور عام شہری بھی برہم ہوگئے ۔ جس کو اسکول ٹیچر نے مبینہ طور پر فیس کی ادائیگی میں تاخیر پر سنگ دلی کا مظاہرہ کرتے ہوئے بری طرح مارپیٹ کا نشانہ بنایا ۔ آج واقعہ کے خلاف بائیں بازو کی طلبہ تنظیم ایس ایف آئی نے اسکول پر زبردست احتجاج منعقد کیا ۔ واقعہ کی اطلاع کے بعد کمشنر پولیس رچہ کنڈہ سخت اقدامات کی ہدایت دی اور اس معاملہ پر سخت کارروائی انجام دی گئی ۔ احتجاج اور مطالبہ کے پیش نظر پولیس سے کرشنا وینی اسکول میرپیٹ کے ڈائرکٹر گوپال ریڈی پرنسپل پدمجا اور اسکول ٹیچر سورنا کو حراست میں لے لیا ۔ تاہم بچوں کے حقوق کی تنظیم بالالہ مکولہ سنگھم نے اس کارروائی کو ناکافی قرار دیا ہے اور اسکول کو مہربند کرنے کا مطالبہ کیا ہے ۔ بتایا جاتا ہیکہ 4 سالہ لڑکے نکھیل یادو کو اسکول ٹیچر سورنا نے بے رحمی سے مارپیٹ کا نشانہ بنایا جس کے سبب اس کے بدن پر نشانات رونما ہوگئے ۔ اس سنگ دلی کو دیکھتے ہوئے مقامی عوام نے کافی برہمی ظاہر کی ۔ پولیس میرپیٹ نے مقدمہ درج کرلیا ہے اور مصروف تحقیقات ہے ۔

TOPPOPULARRECENT