Tuesday , April 24 2018
Home / دنیا / لندن میں امریکی سفارتخانہ کا ٹلرسن کے ہاتھوں افتتاح

لندن میں امریکی سفارتخانہ کا ٹلرسن کے ہاتھوں افتتاح

واشنگٹن ۔ 19 جنوری (سیاست ڈاٹ کام) امریکی وزیرخارجہ ریکس ٹلرسن نے آج ایک اہم بیان دیتے ہوئے کہا کہ آئندہ ہفتہ لندن میں امریکہ کے نئے سفارتخانہ کا دورہ ان کے پروگرام میں شامل ہے۔ یاد رہیکہ کچھ روز قبل امریکی صدر ڈونالڈ ٹرمپ نے لندن میں امریکہ کے نئے سفارتخانہ کی افتتاحی تقریب میں شرکت سے انکار کردیا تھا۔ اطلاعات کے مطابق ٹلرسن 22 جنوری کو برطانیہ میں رہیں گے اور بعدازاں پیرس، وارسا کے دورہ کے علاوہ عالمی معاشی فورم میں شرکت کیلئے ڈاؤس بھی جائیں گے۔ اب تک ان تمام مقامات پر ان کی وہاں کے قائدین سے ملاقات کا تعین نہیں ہوا ہے۔ تاہم اسٹیٹ ڈپارٹمنٹ کے عہدیداروں کا کہنا ہیکہ ٹلرسن نے کل خود ہی رپورٹرس سے کہا تھا کہ وہ امریکی سفارتخانہ دیکھنے کی خواہش رکھتے ہیں۔ انہوں نے مسکراتے ہوئے اخباری نمائندوں سے کہا کہ ان کے برطانوی میزبان معتمدخارجہ بورس جانسن نے (ٹلرسن) کے پروگرام کو قطعیت دی ہے۔

TOPPOPULARRECENT